ياعيني علي الإتنين

واحد شكله غلبان ويصعب على الكافر قاعد على قهوة باصص لكوباية شاي قدامه ومتنح !!


شافه
واحد رذل وعامل نفسه فتوة !! فقال الفتوة أما أروح أتنطط عليه شوية ، راح
داخل عليه الفتوة وشادد الكوباية من قدامه وشربها على بق واحد ، وحطها
قدامه فاضية وقال له :


ما تنساش تــدفع البقشيش !!!







الراجل راح ينفجر من العياط والنهنهة !! لدرجة أنه صعب على الراجل الفتوة ، فخبط على كتفه وقال :



يا راجل ما تعملش بنفسك كده ، معقول راجل بشنبات كبيرة يعيط علشان كوباية شاي بخمسين قرش !!!



أنا مش بعيط علشان كوباية الشاي ، بس النهاردة أسوأ يوم بحياتي !!!



صحيت الصبح متأخر فأخدت الموتوسيكل بتاع أخويا علشان ألحق أفتح المحل ، بس برضه وصلت متأخر وصاحب المحل هزأني

ومسح فيا الأرض ، ما استحملتش ورديت عليه ... راح طاردني !! جيت آخد الموتوسيكل علشان أروح على البيت لقيته انسرق ،

رحت أبلغ أخويا اتهمني بسرقت الموتوسيكل ، وبعد ما ضربوني في القسم علشان أعترف طلعوني بكفالة مش عارف حقدر


أسددها ازاي ، وحتى لما قررت أنتحر جيت أشرف كوباية السم جيت أنت وخطفتها من ايدي وشربتها