ماسك بيزيل الرؤؤس السوداء من جزورها وكمان بيزيل معاه شعر الوجه

بصي يا ستي الماسك الي أنا عرفته كالآتي :
تجيبي بياض البيض وتجيبي مناديل ورق ايه اللخبطة دي أنا قلت كده بس استني وهتشوفي

1- اضربي بياض البيض جيدا لحد لما يصبح رغاوي متماسكة زي الميرنج
2-بعد مانظفتي وشك ابدئى بدهان الوجه ببياض البيض جزء جزء
يعني ابدئي بالخد الأيمن ندهنه بياض بيض ثم نأتي بقطعة من المناديل علي قد الخد ونلزقها بسرعة علي بياض البيض ثم نضع طبقة أخري من بياض البيض فوق المناديل
وبكده خلصنا الخد الأيمن وزي ما عملنا الخد الأيمن نعمل باقي الوجه جزء جزء يعني الجبهه الأنف الذقن وهكذا
وبعد لما تخلصي كل وشك تستني لحد لما الماسك ينشف خالص ووشك يشد نصف ساعة فأكثر
وهنا يا قمر تبدئى في إزالة الماسك جزء جزء تمسكي بطرف الجزء الي هتشيليه ووتشديه وبصي فيه هتلاقي العجب الرؤوس السوداء من جذورها وكمان الشعر الناعم الي في وشك آه والله
وبعد كده ادهني وشك بليمون علشان زفارة البيض واشطفي وشك بماء ورد أو امسحي وشك بمكعب ثلج لكي تغلقي المسا م وادهني الكريم المرطب بتاعك
أنا عملت الماسك ده هايل وعلشان أنا بشرتي دهنية المرة الي بعدها لأضفت لبيض البيض قليل من الدقيق ومقولكيش علي الي حصل النتيجة كانت أفضل واوعي الحواجب لو الماسك ده قرب منها هينزع شعر الحواجب وده حرااااااااااااااااااااااا اااااااااام يلا جربيه