[ندعوك للتسجيل في المنتدى أو التعريف بنفسك لمعاينة هذه الصورة]وإيه يعني حتى لودبحوا 250 أسير مصري
منته عندك 75 مليون مصري غيرهم
يسدوا عين الشمس وبعدين دول ماتوا من 40 سنة
وشبعوا مووت قال على رأي المثل أهل الميت صبروا والمعزيين كفروا , وبعد 40 سنة جت المعزيين تلطم!!
ومين فاضي أصلا ينبش في الماضي
وبعدين مش إنته السبب وعلى رأي المثل ما قدروش
عاللي دبح مسكوا اللي سلخ
, ميروحوا يعاتبوا
أبو خالد
اللي دخلنا فحربه بالكلام وعمل براي المثل خدوهم بالصوت ليغلبوكوا .وبعدين ياعم
حسني
واخد بالك معايا :
خسارة في العيال ولا خسارة في المال
أيوه يا خويه وكام مليون بتيجي من عندهم حلوين وخير وبركه
وإيد على إيد تساعد
وإيد على إيد تودّي لبعيد
وكمان
إيد لوحدها ما تسقفش
ويا بخت من بات غالب ولا بات مغلوب
واللي تكره وشه يحوجك الزمان لقفاه
وكبر دماغك إنته الكبير برضه إسمع وفوّت حيقولوا :
يا خاين وعامل من الليل ستاره بكره يروح الليل وتظهر الأمارة و يا مجامل الغرب تفخر بيهم جامل أهل بيتك تكسب أجرهم .
معلش إصبر ده الصبر ع البلوى عباده
والصابرون لهم الجنه وقدّم الخير لجارك تلقاه في دارك وعلى رأي المثل من رعاني بعين أراعيه باللإتنين , وبعدين حتعمل إيه هاه
: قوللي حتشتكي ؟
وتشتكي لمين والشكوى لغير الله مذلة ؟
حتشتكي لمحكمة بلجيكا ؟
ماهو قبلك إشتكوا على شارون عملوا له إييه!!
هاه ؟!! قول ونوّرني ؟
حتشتكي للمحكمة بتاعة الجنح والجنايات ؟
لهو إنته مشفتش ياخويه إزاي طلّعوا الصرب براءة بعد مانزلوا دبح وتقتيل في المسلمين ؟!!
وبعدين خلاص النفوس دلوقتي هديت ومصارين البطن بتتشاكل مع بعضيها ومكتوب على ورق الحلاوة ما محبة إلا بعد عداوة وإصبر ع الجار السّو ليروح . . . لتجيله زيحه .
و اللي عاجبه من الكحل يتكحل واللي مش عاجبه من البلد يرحل .
وماتزمروووووش يا أواااادم دا السواق ناااااااااااااايم !!
وبرجاء ترك رساله بعد سماع الصفاره
طيط . . . .طيط. . . طيط
[ندعوك للتسجيل في المنتدى أو التعريف بنفسك لمعاينة هذه الصورة]و معلش إحنا بنتكلم
