كيف تتأكد أن الأتوبيس الذى تركبه مصرى 100% ؟

كيف تتأكد أن الأتوبيس الذى تركبه مصرى 100% ؟


عندما تجد الآتى:


1- الكمسرى يصرخ دائما: الأتوبيس فاضى ورا (مع إن ورا ده زى علبة السردين، حاول أن تقنع الكمسرى بالعكس).


2- لا تنتظر فى المحطة الأساسية (خليك أول الكوبرى وآخر الكوبرى وبعد الإشارة وعند البنزينة وعند نعمة).


3- تجميع الأجرة بشكل ودى (لموا مع بعض يا جماعة عشان الزحمة) (التباع مش عارف يرجع ورا أصلا).


4- السواق يدخن بشراهة (مع إن هناك لافتة عريضة تقول "ممنوع التدخين") (إحضار السجائر مهمة التباع).


5- الباب مفتوح بشكل دائم (نصف الركاب راكبين "شعبطة").


6- التباع ينادى على المحطات برغم أنها مكتوبة على الأتوبيس (عدم إقتناع من الركاب).


7- الراكب يسأل التباع: "رايح رمسيس ده؟" برغم أن المحطات مكتوبة على الأتوبيس وبرغم إن التباع ينادى على المحطات (إنعدام ثقة).


8- النشالين.


9- الأدعية والآيات القرآنية والأحاديث المعلقة حتى على الزجاج الأمامى (لا أعلم حتى الآن الطريقة السحرية التى يرى بها السائق الطريق).


10- البنت المنتقبة المتسولة (إنتقلت مؤخرا للمترو).


11- الأغانى الشعبية طوال اليوم عدا فترة الصباح (الشيطان والعبد وأنا مش عارفنى).


12- فى فترة الصباح قرآن كريم أو إبتهالات (علشان البركة).


13- الرجل الذى يصرخ فى الموبايل (بتقول إيه يا عباس هاه .. هاه يا عباس آااااه .. صباح النور يا عباس).