أغاني عبد الفتاح الجريبني2

سيبك انت

سيبك انت من الكلام ده ده الكلام ده مش بفايدة هو امتا كان كلام الناس مهم سيبك انت من الكلام ده
ده احنا لسه فى ورانا حاجات اهم دول ناس فاضية ومش لاقيه حاجة تعملها
دول ناس قاعدة تعيب عالناس اللى فحالها والعيب من اهل العيب حاجة عادى بنقلبها
ليه احنا نخاف ومحدش ماسكلنا ذلة ليه نعمل اى حساب انا وانت لناس قلة
دول ناس من تحت لفوق كفايانا نبوصلها تيجى منبصش ورانا ده احنا مش فارق معانا
اى حد بجد مهما هيعمل ايه واللى يستقل بينا ولا يتشطر علينا ده احنا لما نشوفه نمشى ونضحك عليه
__________


جنبك على طول

اوعدنى جنبى تعيش ولا ليلة تنسانى وليك عليا اعيش واموت يا حبيبى وانا وياك
اوعدنى ما تسبنيش ولا حتى ثوانى ده عمرى كله هيسوى ايه لو يوم مكنش معاك
جنبك على طول خلينى ماتغيبش قى يوم عن عينى
ده انا لما بقول يا حبيبى قلبى بيرتاح جنبك على طول خلينى على حلم بعيد ودينى
هنفكر ليه فى امبارح ما هو عدى وراح تعرف بحس بايه طول ما نت ويايا
احلام حياتى بشوفها فيك حبك واخدنى معاك
قلبى بتسكن فيه يا حبيبى وكفاية تفضل فى حضنى واعيش معاك كل اللى بتمناه
__________


يا بخت النوم

يقولك ايه يا بخت النوم انا بحسده وبالومه لوم عارف ليه
علشان بياخدك منى فى اخر كل يوم قدام عينيا بس فى عالم تانى بعيد
ولو مرتاحه كده خليكى انا هفرحلك انا مطمن لكن حاسس انى وحيد
بس انا حاسس لو غمضت عينيا هروحلك
لما عينيكى تغمض بغضب علشان وقت لقانا مروح وافضل قاعد جنبك صاحى اتامل فى ملامحك
واسرح واصحكا قبل ما تصحى عشان لما عينيكى تفتح بفرح ولو فضلتى العمر صاحيه مستحيل هيجيلى نوم
نفسى اشوف كل الاحلام اللى حبيبتى بتحلمى بيها وانا هعرف وهالوم احلامك اللى هحس ان انا مش فيها
وبفضل بعد لما تصحى فى شوق انا يا حبيبتى يغير من النوم
__________


الليلة

ليلة عمرنا ولا حد قدنا وانا من كام سنة مستنى الليلة ديا
القمر العالى ساب السما وجانى اول لما نادانى والله ما صدقت عنيا
ده انا اللى نفسى فى هتمنا تانى ايه ياخد عمرى ليه وسيبلى بس ليلة
شوفته وشدنى حبيته وحبنى ووقعت يا عينى ومحدش سمئ عليا
واتغير حالى وبقيت انا واحد تانى بهواه خلانى مش فارقة معايا حاجة تانية
روحى بتعشقه مرتاحله ومصدقه دول ولا يفرقو وحبيبى كفايا عليا
طيبته ورقته وجماله وحنيته اه من ضحكته تضحكلى معاه الدنيا
__________


بحبك بس

بحبك بس مش جدا عشان قلبى تعب جدا عشان حبك فى يوم جدا وشاف منك كتير جدا
خلاص حبى القوى ماضى خلاص مبقتش تستاهلو وقلبى اللى ادى على الفاضى
عقل وهيدى على مهلو
خلاص حبى اللى كان جدا غلط وكتير عليك جدا هتبعد مش هتوحشنى
هتيجى مش هقول اهلا ويوم ما هتمشى مش هحزن ومش هندم عليك ابدا