وانتهى الشهر المبارك وبعد

في رمضان كنت ادخل اصلي ملقاش مكان
الصفوف مرصوصة بالتمام
وفي كل الوشوش تلاقي التقوى والسلام

دلوقتي ايه الي جرى يا مسلمين
في كل جامع تلاقي صف او صفين
وعلى القهاوي مرصوصين
والله اكبر ترتفع وكانكم ودن طين او عجين

وكأن رب رمضان مش رب غيره

وكأنكم لا تعرفوه ولا شفتوا خيره

في رمضان كنا نسمع عيب وحاضر
وعاملين لله وقار وخاطر
وبعد ما انتهى رمضان يا ساتر

ما يعرفوش لله وقار
وحبهم لله كان دخان وطار
ولا يطلبوا جنة ولا بيخافوا نار

يا عالم رب رمضان هو رب كل الشهور
والدنيا مش دايمة بكره عليك تدور
لو كنت صاحب منزلة او تمتلك كل القصور
برضه رايح القبر زيك زينا وهنتساوى كلنا جوه القبور