فن مخاطبة الاطفال

الموضوع يحتاج بالفعل لمؤتمر وجلسات عمل لان العيال اليومين دول محتاجين
طريقة حوار وتعامل غير اللى اتربينا عليها زمان الاطفال الايام دى وصلوا
والعالم مفتوح مش زينا اللى اتربينا على القناه الاولى والتانيه بالتيله
خلاص مينفعشى تقول للطفل دلوقتى العصفوره قالتلى وفتنت لى عليك
عصفورة ايه وهو بيفهم فى الموبايل بتاعك احسن منك؟
ومينفعشى تخوف الطفل بأبو رجل مسلوخه
لانه هيدخل على جوجل ويعمل سيرش عن معنى ابو رجل مسلوخه
وهيلاقى الموقع بيقوله:
هجايص واساطير عملوها الكبار فى القرن اللى فات عشان يخفوا بيها العيال.
مينفعشى تعاقبه بانك تأومه من اودام فيلم بيحبه وبيتفرج عليه..
لانه هيشوفه تانى يوم على نفس المحطه الصبح وأنت فى الشغل ويخليك زى قرطاس الجوافه.
عايز تعاقبه
نزل له فيروس على الجهاز بتاعه ودمر له الوندوز وقوله الجهاز مش هايتقرمط
ويتعمل له ست اب من اول وجديد الا لما يتعدل ويشوف مذاكرته ويبقى محترم
وبنى ادم.
لما تعوز تدلعه وتكافؤه على تفوقه؟
مينفعشى تجيب له بندقية صيد وكوره وكتب المكتبه الخضراء والجو القديم ده كله
تجيب له (دى اس ال) ممكن تظبطه بويب كام جامده تدخل عليه (بسكرين).
مينفعشى لو ابنك سالك عن حاجه منتش عارفها تالف له اجابه من دماغك
وبد يوم ولا اتنين هايعرف الاجابه الصحيحه م التليفزيون ولا النت وساعتها
هيبقى منظرك عامل زى العده الاريكسون688 فلما يسالك اقعد معاه على النت
ودور معاه ع الاجابه المظبوطه وبلاش قلة قيمه.
واوعى تفهم الواد ان الرياضه هى اهلى وزمالك
بلا نيللللللا...على راى مارى منيب لانه دلوقتى عارف لعيبة رويال مدريد والارسنال وعارف اسعارهم كمان.
وأذا طلب رأيك فى أكلة ديليفرى م اللى بياكلوها الايام دى
اوعى تقول له : يعنى ايه دى لاء خليك اب روش وهز دماغك بألاطه وقوله
حلوه طحن ياااد
ومستنيه رددودكم وتعليقاتكم