ملكه القلوب
عدد المساهمات : 3209
نقاط : 33552
تاريخ التسجيل : 05/11/2009
 | | موضوع: خلاصة تجربتى مع ادوية التخسيس الإثنين يناير 16, 2012 3:43 pm | |
|
لانى من المهووسين بموضوع الريجيم و خصوصا لانى جمسي من النوع اللى بيزيد بسرعه و بينزل ببطئ شديد و لانى عارفة ان اغلبنا بيستسهل استخدام الادوية عشان النزول السريع
حبيت انقل لكم [ندعوك للتسجيل في المنتدى أو التعريف بنفسك لمعاينة هذا الرابط]عن [ندعوك للتسجيل في المنتدى أو التعريف بنفسك لمعاينة هذا الرابط]التخسيس
اولا انا وزنى مش زايد اوى يعنى انا مشكلتى كلها فى خمسة او سته كيلو نفسي انزلهم لانهم متركزين فى منطقة الارداف اللى كلنا بنعانى منها
انا من النوع اللى مش بيعرف يمشى على نظام غذائي ريجيم و كلام من دة
و الرياضة مش منتظمة عليها العب فترة واقعد بعدها و طبعا دة بيخلى الواحد تزيد تانى
تابعت اقسام الرشاقة فى اغلب المنتديات و عرفت ان بعض السيدات و البنات جربوا علاج تخسيس اسمة سيبوتيرم
قلت و مالو اجرب و فعلا مكدبتش خبر و نزلت اشتريته
اخدته فترة و فعلا نزل وزنى صحيح مش كتير بس اهو قلت بدايه مش وحشة و مع الا ستمرار اكيد هنزل اكتر
فضلت اخده فترة بس لاقيت نفسي تعبت و ضغطى بقي يرتفع مع انى طول عمرى بعانى من انخفاض الضغط و نبضات قلبي مش مزبوطة دة غير بقي حالة الاكتئاب اللى جات لى
هو فعلا بيسد النفس عن الدنيا كلها مش الاكل بس
المهم سالت دكتور ع الاعراض اللى بتحصلي نصحنى ابطل سيبوتيرم و بطلته و فعلا الاعراض دى انتهت
وتوبت عنه و بطلته نهائيا و قلت توبه من دى النوبة وخصوصا لما عرفت انه اتمنع من السوق
بعد شوية لاقيت بعض السيدات كاتبين اورليستات و اد ايه هو طبيعى و ملوش اعراض جانبية
و بيحرق الدهون اللى فى الوجبه و كمان اللى فى جسمنا و المردة دى قبل ما اشتريه سالت الدكتور و قالى انه فعلا ملوش اضرار زى السيبوترم و نتايجه كويسة
مكدبتش خبر و اشتريته و اخدت منه فترة و بصراحة محستش باى نتيجه خالص و قررت اوقفه فورا
بعد كدة لاقيت واحدة من البنات كاتبه عن كويك سليم و اد ايه هى بتخس عليه رغم انها مش عاملة دايت و بتاكل كل اللى نفسها فيه
و من اراء اصدقائى و من اجابتها عن الاسئله اللى سالوها لها قلت اجرب و برضو سالت الدكتور قالى انه كويس و انه تقريبا نفس تركيبة اورليستات
قلت اجرب و برضو اشتريته و بعد اول 3 حبايات بدات المشاكل
الام فظيعه فى المعدة و اعياء شديد بمعنى الكلمة و حاسة بنشفان ريق و هبوط
و معدتى تعبت بمعنى الكلمة و القولون تعب
و الله العظيم يا بنات انا مكملتش الشريط و مش ناوية اكمله و لا هاخد [ندعوك للتسجيل في المنتدى أو التعريف بنفسك لمعاينة هذا الرابط]تانى
قعدت فكرت مع نفسي انا ليه بأذى نفسي كدة و عشان ايه 5 او 6 كيلو
طيب انا اكلى اصلا مش باكل كتير و حتى اكلنا مفيهوش دهون كتير
يعنى مشكلتى كلها فى قله الحركة
نصيحة لكل اللى و زنها زايد و هنصح نفسي بيها من قبلكم
انا انظم اكلى شوية و احرك جسمي حبة و الباقى على الله
لكن اقتل نفسي بادوية و مواد كيماوية لا يمكن ابدا
| |
|
