السلام عليكم ورحمة الله وبركاته
لو عندك عزيمة وإصرار وعايز تدخل الجنة وبأقل مجهوديبأة مكانك هنا
أنا هتكلم انهاردة عن حاجة معظم الناس بتغفل عنها ومش مقدرة حجم الثواب العظيم اللي ممكن تاخده منها...ومتخيلين إنها حاجة بسيطة مع إنه اللي يسيبها بيكون بكده اكتسب صفة من صفات المنافقين..أكيد عرفتوا أنا قصدي إيه ولو ما عرفتوش يبأة دلوقتي هقول لكم...
^
^
^
^
^
صلاة الفجر
من الحاجات العظيمة اللي كتير من الناس غفلت عنها مع إنها ما بتاخدش دقايق...وحجتهم:
أنا ورايا شغل الصبح بدري فمش هقدر أقوم...ويصلي بعد الشروق
أو يقول: أنا برجع من الشغل متأخر وبكون هلكان ومش قادر أقوم
فأنا عايزة أسألكم سؤال هل الشغل أهم من طاعتك لربنا اللي هو رزقك بالشغل ده؟؟؟؟
أكيد لأ طبعا..
[ندعوك للتسجيل في المنتدى أو التعريف بنفسك لمعاينة هذه الصورة]عايزة أقول لكم حاجة كمان...انت لو بتحب حد حب صادق يبأة هتحب لقاؤه ...ده إذا ما كانش شاغل تفكيرك طول الوقت كمان...ولو متفقين تقابلوا بعض ..ممكن ما تعرفش تنام من كتر التفكير والفرح إنك هتشوف اللي انت بتحبه...ولله المثل الأعلى
فهل تتخيل ان واحد بيتكاسل عن صلاة الفجر بيحب الله وبينتظر لقاؤه ..أنا هسيب الجواب ليكم......
خلينا كده نتخيل مدير شركة طلب من موظف إنه يروح له يوميا الساعة 5ونص علشان يصحيه مقابل إنه ياخد 1000 دولار يوميا...وهيفضل ياخد الألف دولار طالما بيصحي المدير كل يوم ولو في يوم غفل عن إنه يصحيه هيتم مطالبة الموظف بكل الاموال اللي أخدها
تتخيلوا الموظف ده هيعمل إيه؟؟؟
أكيد طبعا هيتخذ كل الوسائل اللي تخليه يقوم بالمهمة ده
ولله المثل الأعلى
ده ربنا سبحانه وتعالى هو اللي أنعم عليك بكل شيء ونعمته عليك تتخطى مليارات الدولارات يوميا
قال تعالى : "وإن تعدوا نعمة الله لا تحصوها "
.. بأة ربنا ما يستحقش منك أن تستيقظ له يوميا في الخامسة صباحا لتشكره في خمس أو عشر دقائق على نعمه العظيمة ؟
[ندعوك للتسجيل في المنتدى أو التعريف بنفسك لمعاينة هذه الصورة]خلاص بأة...اتفقنا إن احنا هنصلي الفجر في وقته..ولا لسة...طب أنا عندي ليكم طرق تخليكم تصحوا لصلاة الفجر
حاجات عملية جدا وبسيطة تخليك تقوم للصلاه:
أول حاجة ممكن نعملها إن إحنا نحط منبّـه ونضبطه على ميعاد صلاة الفجر يوميا ...بس هنحطه في مكان بعيد شوية بحيث انكم تقوموا من على السرير وبالتالي هتكونوا فقتوا شوية
تاني حاجة وده حاجة مهمة جدا...اللي هي الصحبة الصالحة...اللي ممكن تتصل بيك علشان تصحيك للصلاه
وتلزم نفسك إنك تصحي واحد من أصحابك وتخيل حجم الأجر اللي انت هتاخده
· نواظب على أذكار قبل النوم ونسأل الله تعالى أن يعيننا على أداء الصلاة
حاجة مهمة أوي كمان...النية...يعني تنوي إنك تقوم للصلاه وربنا إن شاء الله هيعينك
دلوقتي بأة عايزة أبشركم بحاجة
لكل اللي هيقوم علشان يصلي الفجر
1_دخول الجنة لمن يصلي الفجر في جماعة : قال صلى الله عليه وسلم : ((من صلى البردين دخل الجنة )) والبردين هما الفجر والعصر وقال صلى الله عليه وسلم (( لن يلج النار أحد صلى قبل طلوع الشمس وقبل غروبها ))
2_ صلاة الفجر تعدل قيام ليلة كاملة. يقظة من قيام + إجابة للأذان + صلاة مع أهل الإيمان = ثواب قيام ليلة. قال صلى الله عليه وسلم ((من صلى العشاء في جماعة فكأنما قام نصف الليل ومن صلى الصبح في جماعة فكأنما قام الليل كله )). اخرجه مسلم
3_ الحفظ في ذمة الله لمن صلى الفجر . فعن أبو ذر رضي الله عنه قال : قال رسول الله صلى الله عليه وسلم : ((من صلى الصبح فهو في ذمة الله))رواه مسلم
4_ صلاة الفجر جماعة نور يوم القيامة: قال صلى الله عليه وسلم : ((بشر المشائين في الظلم إلى المساجد بالنور التام يوم القيامة ))رواه الترمذي وا بن ماجه
5- تقرير مشرف يرفع لرب السماء عنك يا من تصلي الفجر جماعة . قال صلى الله عليه وسلم : ((يتعاقبون فيكم ملائكة بالليل وملائكة بالنهار ويجتمعون في صلاة الصبح والعصر ثم يعرج الذين باتوا فيكم فيسألهم الله وهو أعلم كيف وجدتم عبادي فيقولون تركناهم وهو يصلون وأتيناهم وهم يصلون )) فيا عبد الله يا من تحافظ على صلاة الفجر سيرفع اسمك إلى الملك جل وعلا ألا يكفيك فخرا وشرفا !!!؟؟
يا ترى بعد الكلام ده كله
هتقوموا للصلاه ولا لأ
أنا آسفة جدا على الإطالة
ويارب تكونوا استفدتم من الموضوع
وأي حد عنده أي إضافة للموضوع هكون سعيدة جدا
