الحبه دول من عندى ياريت يعجبوكم

الحبه دول من عندى ياريت يعجبوكم

مرة واحد راح مستشفى المجانين لقى كل المجانين عماللين ينطوا و يقولوا احنا فشار,احنافشار.فلقى واحد
قاعد على جنب فقال بس هو دا العاقل اللى فيهم,فراح قالو انت قاعد ليه كدا,راح قالو سيبنى دلوقتى عشان انا لازق فى الحلة.


بخيل حلم انه يوزع امواله لما صحى من نومه
قال :ابقى حمار لو نمت مره ثانية


واحد وابنه واقفين ادام اسانسير وميعرفوش يعني ايه اسانسير هما بيلاقوا الحيطةتفتح وتقفل وهما واقفين لقوا
واحدة وحشة اوي بتركب الاسانسير والباب اتقفل عليها وبعد فترة لقوا الانسانسير بيفتح ونازل منه صاروخ جمال الاب شاف كده قال لابنه اجري يالا وابعت امك بسرعه


مره خمسه صعيده راكبين عربيه فجأه سمعوا صوت فرقه جامد أوى فجه واحد منهم قال
لأول واحد أنزل شوف فيه إيه المهم نزل غاب ساعه ساعتين فقال للثانى أنزل شوف فى إيه نزل غاب ساعه ساعتين وبعدين نزل الثالث ساعه ساعتين نزل الرابع غاب ساعه ساعتين المهم نزل آخر واحد نزل لقاهم كلم متكومين فوق بعض نزل سألهم قال لهم فى إيه قالوله شششششش العجله نايمه


واحد بلديتنا أشترى عربية بتمشى بالكلام أتوماتيك يقولها سترك يا رب تقوم تقف ويقولها
الحمد لله تقوم ماشية ..فرح ونزل بلدهم بيها وكل شوية سترك يا رب تقف الحمد لله تمشى وهكذا لحد ما فجأة لقى ترعة أدامه نسى الكلمة والترعة تقرب تقرب وهو ناسى ومرعوب وعلى أخر لحظة راح قايل سترك يا رب راحت العربية وقفت على أخر لحظة على خط الترعة راح قايل ياه الحمد لله





مرة واحد راح يشترى علبة سجاير لقى مكتوب عليها التدخين ضار جدا بالصحة راح مرجعها واشترى بدلها
عشرين سيجارة فرط

مرة واحده كانت حامل في 3 اولاد الدكتور لما ولد العيل الاول كان تنح ومش راضي يعيط فقعد
يضرب في لحد ما عيط ولما ولد التاني كان تنح برده فقعد يضرب في لحد ما عيط المهم راح قال للممرضه انا زهقت طلعي انتي التالت فا هي لسه جايه تطلع التالت لاقيته طالع براسه وبيقولها هو الرجل اللي بيضرب العيال مشي ولا لسه



واحد مسطول روح بيته بعد الفجر مراته مدخلتوش راح نازل فلقي علبة سلمون خبطها برجله فخبطت في
الحيطة ورجعت في دماغه واتعور فطلع لمراته وبرده مفتحتش نزل تاني وخبطها تاني وعورته تاني فطلع لمراته وقالها افتحي يا ولية علبة السلمون هاتمومتني