احبك كثر ما تمطر بصدري من غلاك امطار

بسم الله الرحمن الرحيم




احبكـ كثر ماقد صار احبكـ رغم ما قد ماصار
احبكـ كثر مادنيا الزعل والصد مهجورهـ

احبكـ كثر ماتمطر بصدري من غلاك امطار
احبكـ كثر ماصارت اراضي العشق ممطورهـ

احبكـ كثر ماتفتح شبابيكـ الربيع أزهار
احبكـ كثر ماغنت عشان الصبح عصفورهـ

احبكـ كثر ماتاقف على جنب الطريق أشجار
احبكـ كثر مايقسى الشتاء وتهاجر طيورهـ

احبكـ كثر مافي الارض بنت تلفت الأنظار
احبكـ كثر مايرتاح عطر بصدر مغرورهـ

احبكـ كثر ماجاب المساء في معطفه زوار
احبكـ كثر ماجانا الصبح يشبهكـ نورهـ

احبكـ كثر ماتهدي كفوف الوصل من تذكار
احبكـ كثر ماشالت يدين العاشق زهورهـ

احبكـ كثر مانقراء عن الفارس عن المغوار
احبكـ كثر مانسمع ولا شفنا ولا أسطورهـ

احبكـ كثر ماتلعب بدنيا العاشقين أقدار
احبكـ كثر ما .. ذا الحظ يلعن قصورهـ

احبكـ كثر ماعاثت رياح بحسبة البحار
احبكـ كثر ماالبحار يعشق نسمة بحورهـ

احبكـ كثر مايتحلف اللي منشغل باعذار
احبكـ كثر مافي الناس ناس بجد معذورهـ

احبك كثر ما ملت قصايدنا من التكرار
احبك كثر ما الشاعر تمنى حب جمهوره

احبكـ كثر ماشفنا على وجه الزمن آثار
احبكـ كثر ماقلنا عن الاحوال مستورهـ

احبكـ كثر مادارت بذهن الحالمين أفكار
احبكـ كثر مافي الخير ناس بالخير مذكورهـ

احبكـ كثر مانرمى حكايات الحطب للنار
احبكـ كثر مانسمع حكايات حب مشهورهـ

احبكـ كثر ماضاق السجين بلعنة الاسوار
احبكـ كثر ماهاج البحر واجتاحتهـ ثورهـ

احبكـ كثر ماننسى واحبكـ كثر مانحتار
احبكـ كثر مايسهر محب وفي يده صورهـ

احبك كثر ماتقطع شفاتك في العسل مشوار
احبك كثر ماخدك يخلي الشمس مبهوره

احبك كثر ماروج عليك الحسن من أخبار
احبك كثر ماصدرك يدوخ الورد بعطوره

احبك كثر مافي عينك من السحر والأغوار
احبك كثر مافيك الغلا ماوقت سطوره

احبك والزمن ساكن واحبك لو زماني دار
احبك يامدينة حب وسط الصدر معموره

احبك والتفت شاعر لعينك وانطرت أشعار
حلف مايمسى الليلة قبل ما يكتب شعوره

ورتبتك بصدري وأنت تستاهل وراعي دار
تفضل قلب اوراق الغلا وايديك مشكوره

وذكرتك وانت لو مثلك ذكرته هلت الانوار
وقمت أجمع من أشواقي قصايد عشق منثوره

تلبست الجمال وقلت ابهديك القصيد ازرار
غلاك وصدق حبك ماترك لي نفس مكسوره

انا عاشق جمال وما خفاني في الجمال أسرار
انا لامن كتبت اعطيك واعطي العشق بك دوره

كتبتك في القصيد ابيات من حسنك عليك تغار
حروف العشق طفلة في ثياب العيد مسروره

لقيتكـ والدلع والثقل شلهـ والحسن ثرثار
يقول أشياء كثيرهـ للعيون ويثبت حضورهـ

كفاية لو تطل ويفرح بطلتكـ دار وجار
كفاية لو تشوف الناس في نظرتكـ مأسورهـ

غرامكـ يغري حروف سقاها الصدق منكـ امطار
كتاباتي بتشهد للغرام وتحفظ عطورهـ

احبكـ مهما ابتعد عني بسبة الاقدار
احبكـ واحبكـ لو حبي توصلهـ لكـ طيورهـ

احبكـ رغم ماقد صار .. احبكـ حيل مهما صار
احبكـ دام انا طيب .. واراضي العشق ممطورهـ
...احـــــــــــبـــــــــكـ ...

ثم أحبـــــكـ

ثم أحبـــــكـ

ثم أحبـــــكـ

احبكـ رغم ماقد صار .. احبكـ حيل مهما صار
احبكـ دام انا طيب .. واراضي العشق ممطورهـ