اعـــــــــترفــــــــلك

اعترفلك إني قصّرت بهواك
واعترف باطباعي دايم أجرحك


واعترف إني تهاونت بعطاك
واني كم مرة تناسيت اشكرك


واعترف ان الملل شفته معاك
واني كنت بكل بساطة مهملك


واعترف إني تساهلت برضاك
واني قاصد يالحبيب اتجاهلك


مدري ليه الدنيا تدفعني لجفاك
يوم ازعِّل فيك ويوم(ن) أهجرك


مدري ليه أحيان أستحلي بكاك
كني ما يرويني إلاّ دمعتك


مدري ليه القسوة فيني ياملاك
كني مخلوق(ن) لجل ما أسعدك


اكتشفت اني تلاعبت بغلاك
واني ضحيت بهواك وعشرتك


الحقيقة اني غصب أحيا بلاك
والله اني (يالغضي) ماستاهلك


فكّر بعقل وتجاوز مبتغاك
لا تخللي العاطفة تستحوذك


إرحل ولا تلتفت لحظة وراك
ما بقى شي بخفوقي يجذبك


إنفذ بحسنك قبل تفقد حلاك
روح دوِّر لك حبيب(ن) يشغلك


روح يامجروح انا قلبي نساك
وش تبي فيني وانا ما أعشقك


روح يامظلوم كافيك اللي جاك
أنا واثق تلقى غيري ينصفك


روح وانسى ظالم(ن) توّه رماك
روح واروي للخلايق قصتك