بتحبها؟!!

بتحبها؟!!
تكسر قلبي علشان حبها؟!!
وجي دلوقتي تقولي كرهتها؟!!
وكمان بتكدب وتقولي مش بتحبها؟!!


بتحبها؟!!
مش كنت تقولي من وقتها
ان قلبك سبني ورحلها
وجرحت قلبي علشان قلبها
واخترت بعدي علشان قربها


بتحبها؟!!
بتقولي مكدبتش عليكي في كلمه انا قولتها!
وانت بعت قلبي علشان قلبها
يبقي امتي انت عرفتها؟


بتحبها؟!!
دلوقتي قولي هنعمل ايه انا وانت وهي؟
خسرت قلب حبك بطريقه جنونيه
وكسبت قلب تاني ومعاه هديه
هديته كانت جرح بأديها هي


بتحبها؟!!
فيها ايه زياده عليا؟!!
اتحداك لو كان في عيونها
نص الحب اللي في عنيا
ورغم كده بعتني واشترتها هي


بتحبها؟!!
يعني خلاص مبقاش في قلبك مكان ليا؟!!
هخرج من حياتك يااغلي انسان عليا
بس هتكون انت اجمل ذكره ليا


بتحبها؟!!
هي قدرت تعمل اللي انا مقدرتش
ومش هقدر اعمله باديه!!
جرحتك وخلتك عرفت مين فينا الوفيه


بتحبها؟!!
لحد دلوقتي انت لسه ماردتشي عليا!
لو كنت بتحبها ايه رجعك ليا؟!!
رجعت علشان تلاقي عندي الدواء؟!!!!
اسفه يا حب عمري
قفلت الصيدليه!!