قلبي ياغارق في البحور

قلبى ياغارق فى البحور

قلبى ياغارق فى البحور ياتايه فى الموانى

ياشريد منى وبعيد عنى ريحنى ثوانى

من يوم ماهويت رحت ولاجيت وسبتنى وحدانى

والوحده بتطول وأنت المسئول وقربت تنسانى

قول مين شاغلك؟ مين واخدك؟ ونساك عنوانى

قلبى ياحته منى يا أغلى من العين والننى يرضيك هوانى

نسيت ولا أفكرك فيه أيه مالك؟ أيه غيرك؟؟ عايش حب تانى

أياك يوم تنسى و عليه تقسى وأفتكر عمل فيه أيه حبك الأولانى

أنا مش حمل الهوى وجراح وحيرة وجوى ؟ مش هقدر أعانى

دالهوى عذاب ومر أبعد ياقلبى عن كل حب يضر أنساه علشانى

صحيح الحب جميل؟ لكن ياقلبى لمين بتميل؟وعلشانه بتترجانى

ماتتحايلش ياقلبى عليه أنت مش حبيت .وهويت.ربنا يتولاني

طول عمرك ياقلبى عنيد بتحب وشوقك بيزيد وأشواقك وخدانى

وخدانى لفين معرفش عاوز أرجع وأسيبك لكن؟ مقدرش ماأنت كيانى

أنت النبض والدق أنت اللى مقدرش أقوله لق ماأنت جنانى

مجنون ياقلبى من يومك مجنون وأزاى ألومك حيرتنى وحيرت زمانى

بتحب ياقلبى مين ؟؟ فله ولا زهرة ياسمين؟ يامغرم بالحلوين وكلك أمانى


حب ياقلبى بس بالأصول وهصبر عليك يمكن بعد صبرى أنول ياما دقك ورانى

قول عرفنى وبلاش تخبى ؟ مين بتحبه قول ياقلبى وهتديله مكانى

على بر ياقلبى أرسا وأياك فى يوم عليه تانى تقسا وأكون ضحيه وأنت الجانى