أحى رمضااااااااااااااان فى حياتى

( أحلى رمضان فى حياتى )

* فى المسند بأسناد صحيح عن أبى هريره رضى الله عنه
قال : قال رسول الله : يبشر أصحابه (( قد جاءكم شهر رمضان
شهرا مبارك أفترض الله عليكم صيامه يفتح فيه أبواب الجنه
ويغلق فيه أبواب الجحيم وتغل فيه الشياطين ، فيه ليله خيرا
من ألف شهر ، من حرم خيرها فقد حرم ))

* شهرا مبارك شهرا تتنزل فيه الرحمات ، شهر أنزل فيه
القرأن ، شهر العتق من النيران ، شهر تكفير الذنوب شهر
تضاعف فيه الأعمال ، وتصفد فيه الشياطين .. هو غنيمه
المؤمن ونقمه للفاجر ...

* شهرا ينادى عليك (( يـــــــا باغى الخير أقبل ويـــا باغى الشر
أقصر )) علشان كده عايزينه رمضان مختلف .. عايزين السنادى
ندخل رمضان بقلب مختلف .... ونسأل الله عز وجل أن يمن علينا
بقلبا جديد يوحده ويحبه ويعرفه ...

* عايزين نخرج من رمضان السنادى منتصرين على أنفسنا
الأماره .. منتصرين فى معركتنا مع الشيطان .. جت الفرصه
علشان كل واحد مننا يغير من نفسه ... عايزين ندوق حلاوه
الأيمان ... فكل واحد مننا يبطل المعاصى اللى قاطعه بينه وبين
ربنا .... يوصل لمرحله (( حبب إليه الأيمان وزينه فى قلبه
وكره إليه الكفر والفسوق والعصيان ))

* كفانا غلفه ، كفانا كسل ، كفانا ملل ، كفانا عجز ... يالله بينا
رمضان السنادى حاجه تانيه أن شاء الله ... رمضان السنادى
حيبقى أحلى رمضان فى حياتنا ...

* تعالوا نشوف تجربه واحد من الشباب السنه اللى فاتت ...
بيحكى عن أثر رمضان عليه ، وأزاى كان رمضان أحلى لحظات
فى حياته ...

* بيقول : ( كانت البدايه قبل رمضان اللى فات بست شهور ...
كنت بديت أعرف طريق ربنا والحمد لله السنه اللى فاتت كنت
اتخرجت من الجامعه ... كنت مستنى رمضان بفارغ الصبر .
ده أول رمضان بعد ما قربت من ربنا .. والحمد لله أن فى نفس
الوقت كنت بقيت متفرغ وخلصت جامعتى ... بيقول : والدى
كان محافظ على الصلاه لكن فى البيت .. ويعنى ممكن ساعات
تلاقيه يروح المسجد بس كان قليل جدااا ... والدتى نفس الأمر
كانت تحافظ على الصلاه فى وقتها ... بس ماكنوش منتظمين
فى صلاه الفجر ... لما ربنا سبحانه وتعالى من عليا وتاب عليا.
بدأت أحافظ على صلاه الفجر .. وبدأو همه كمان يصحوا معاى
وصلوا الفجر فى وقته ...

* بيقول : سبحان الله من غير مقدمات بدأوا يعرفوا طريق
الألتزام ... من غير منا أدعوهم لهذا الأمر .. كنت بقفل على
نفسى غرفتى وأبدأ أمسك مصحفى وأقرأ شويه من القرأن .. لقيتهم
بدأوا يعملوا زى مقرأه كده لوحدهم ... قاعدين فى الصاله همه الأتنيين.
بردوا بدأوا يشاركونى ويقرأوا من القرأن .. وفى يوم من الأيام
جالى حبيبى ( رمضان ) .... وأبتديت قصه حياتى من جديد ...
الحبيب اللى كنت مستنيه الشهر اللى صحابى بدأوا يقولولى أنته متعرفش
يعنى أيه رمضان ؟ ويعنى أيه حلاوه الأيمان فى رمضان ؟
أنا عمرى ما حسيت قبل كده بالمعانى ديه .. كانت أول ليله من
ليالى رمضان .. يوم الوقفه كنت بزور خلاتى .. وكانت الروؤيه
لم تظهر بعد ... وبعد ما زرتهم وانا راجع سمعت بعض المساجد
بدأوا يصلوا صلاه التراويح ... حسيت أن أنا عايز أعيط ...
الأخوه كانوا قالولى أن صلاه التراويح بتبقى حاجه تانيه خالص
فى الخشوع ...

* بيقول : فا أول ما وصلت جريت على المسجد .. دخلت المسجد
لقيت صوت الأمام فى منتهى الجمال .. والله كأنها أول مره
أدخل فيها المسجد .. دخلت للصلاه مش عارف أمتى دخلت ؟
مش عارف أعدت قد أيه ؟؟ ولا عارف أمتى خرجت ؟ والله
العظيم كانت دنيا تانيه خالص .. دنيا عمرى ما عرفتها إلا
فى الليله ديه .. شعور غريب غريب بكل المقاييس .. لأول مره
أعيط كده ... لأول مره فى حياتى أعرف كده ربنا .. الليله ديه
بس عرفت فيها يعنى أيه رمضان ... عرفت يعنى أيه تقرب
من ربنا ... من ساعتها بدأت حياتى تتغير .. والله مر عليا
رمضان وكأنه ألف ليله وليله ... حياه عمرى ما كنت أحلم بيها.

* أقسم بالله عمرى ما شوفت طعم جميل زى كده .. أنا كنت
بقسم وقتى .. بأن أنا كنت بصحى قبل صلاه الظهر .. أروح
بدرى لمسجد بعيد .. أصلى فيه وماكنتش بتفوتنى تكبيره
الأحرام ... كنت بطول فى السنن أصلى حبيت الصلاه أوى
فى رمضان .... كانت كل صلاه من الصلوات الخمس أخصص
ليها مسجد معين ... كنت بعد صلاه الظهر أقرى شويه قرأن
وبعد كده أمسك أى كتاب فى الدين أراجع فيه أى معنى من المعانى
.. العصر كنت بصليه فى مسجد هادى لأنى كنت بحب صلاه العصر
بهدوئها .. وبعد العصر نفس الحال كنت أقرى القرأن وأقرأ فى
أى كتاب من الكتب ..

* المغرب كنت بصليه فى مسجد قريب .. علشان ألحق أرجع
بسرعه وافطر ... وبعد الفطار بسمع أنا والدتى درس لبعض
الدعاه .. أما بالنسبه لصلاه العشاء والتراويح فكنت أصليها
فى مسجد بعيد محدش يعرفنى فيه ... كنت والله أدخل لصلاه
التراويح اللى الشيخ كان يقرأ فيها بجزء كامل ومش عايز أنها
تنتهى أبدا ... كنت بحس فى كل ليله أن أنا بسبح فى بحر من
الجمال والخيال ... أبكى من خشيه ربنا .. كان صوت الشيخ
بحس أن القرأن من صوته بيجرى وينساب فى عروقى زى
الدم بالظبط .... دنيا غير الدنيا عالم ملىء بالطمأنينه ....
كان ملك الموت خلفى والله أمامى والرسول يرقبنى .

* أما بعد صلاه التراويح : فكنت بشوف درس من الدروس اللى
عاندى على الكممبيوتر مع والدى ووالدتى .. وأقرأ القرأن
وبعدين أنام بدرى .. وأصحى قبل الفجر بساعتين أصلى وردى
من التهجد وأدعوا فى الثلث الأخير وبعدين أتسحر .. وقبل الفجر
بتلت ساعه أجلس على سريرى وأطفى النور وأسبح وأستغفر
ربى .. والله كنت بشعر بمتعه ما بعدها متعه .. كنت بحس أنى
مرمى فى حضن دافى ... { وحنانا من لدنا } ..

* هو ده يا جماعه حلاوه الأيمان ... هو ده المعنى اللى أحنا
محتاجين نحسه السنادى فى رمضان ... بيقول : بعدين كنت أروح
أصلى الفجر فى مسجد بعيد .. واجلس حتى الشروق علشان
تتكتبلى ثواب الحجه والعمره التامه التامه .. وأعد أتعلم
تجويد على شيخ فى المسجد .. وبعد الشروق كنت أروح أقرأ
فى شىء من تفسير القرأن .. وبعد كده أنام وأستيقظ ويبتدى
اليوم من تانى ...

* بيقول : والله حصلى موقف عجيب جدااا ... أول يوم جيت أفطر
أذان المغرب أذن أخدت الطمر ... وقولت لوالدى ولوالدتى أسمحولى
أنا عايز أصلى المغرب فى المسجد مش عايز أضيع جماعه
فى رمضان ... لقيتهم زعلوا شويه ... خدت بعضى ونزلت صليت
المغرب .. وطلعت فطرت لوحدى .. تانى يوم عملت نفس الحكايه
ببوص جنبى لقيت والدى بيصلى معاى المغرب .. طلعت لقيت والدتى
لسه مخلصه صلاه المغرب بعد ما كانت حطيت الفطار .. شوف
الأسره الجميله ... وهو معملش حاجه .. هو كده ( بصلاح المؤمن
ينصلح له جميع أحواله )د

* وربنا سبحانه وتعالى إذا أصلح العبد ما بينه وبينه أصلح
ما بينه وبين الناس ... بيقول : علشان كده رمضان اللى فات
كان أحلى رمضان فى حياتى ....

* تعالوا السنادى يبقى رمضان أحلى رمضان فى حياتنا ...
عايز أقولكم على شويه حاجات حصلت فى رمضان .. وأحنا
نستفيد منها معانى السنادى ..


* اول حاجه حدث فى رمضان : أنه رفع سيدنا عيسى
إلى السماء فى رمضان ، أنا بقى كمان عايزك يرفع ذكرك
فى رمضان ... عايز يرفع أسمك عند ربك فى رمضان
فيثنى عليك فى الملأ الأعلى ... زى ما سيدنا عيسى رفع
إليه وكرمه ربه وشرفه .. أحنا كمان محتاجين ربنا سبحانه
وتعالى يرفعنا ويعلى ذكرنا فى رمضان السنادى ..

* أاقولكم على وصفه تعملوها علشان خاطر يرفع ذكركم
فى رمضان السنادى ؟؟ خود الواجب العملى ده بسرعه
قال الحبيب فى الحديث الذى رواه الأمام أحمد فى مسنده
وصححه الألبانى (( أكثر من السجود فأنه ليس من مسلم
يسجد لله تعالى سجده إلا رفعه الله بها درجه فى الجنه ))

* سجده بدرجه فى الجنه .. أيه رأيك فى الموضوع ده ؟
ناوى تصلى قد أيه ؟؟ وتسجدله قد أيه فى رمضان ؟؟
{ أسجد واقترب } وانته ساجد كده فى كل ركعه نافله
وفى فريضه : قوله قربت منك يا سيدى حتقبلنى عاندك
يا سيدى ويا مولاى .... قربله خلى المسافات بينك وبينه
تقرب أكتر .. علشان يرفعك عانده أعلى فتبقى فى جواره
ويبقى منزلتك فووووووق فى رفقه النبى محمد ....

* عايزك علشان ترفع درجتك فى الجنه كثر من الخطا
إلى المسجد ... مش النبى قال (( إلا أدلكم على ما يمحو
الله به الخطايا ويرفع به الدرجات أسباغ الوضوء على المكاره
وكثره الخطا إلى المساجد وأنتظار الصلاه بعد الصلا ه
فذالكم الرباط فذالكم الرباط )) أرفع نفسك فوق .. أفتكر
أن رمضان زمن الرفعه ... رمضان زمن السمو عند ربك .

* أفتكر المعنى ده قولها بينك وبين نفسك .. ألحق قبل ما ترتفع
فيه ناس بتترفعوا وبتزداد منزلتهم عند الله ... وفيه حاجات بردوا
بترفع فى زمانا ده زمن الفتن .. النبى قال (( أول ما يرفع من
هذه الأمه الخشوع ، حتى لا ترى فيها خاشعا )) وقال الحبيب
(( أول ما يرفع من الناس الأمانه ))

* أنا عايزك تلحق دول قبل ما يترفعوا ... عايزك أنته اللى
تقوم بالمعنى ده .. ( الخشوع ) : نتعلم فى رمضان الدرس
الجميل ده : الخشوع والخضوع لله جل وعلا ... بالذات بقى
فى صلاه التراويح وانته اعد بتصلى والقرأن تفتحله قلبك
علشان يدخل يطهر قلبك من كل المعانى اللى بتحول بينك
وبين ربنا .... عايزين المعانى الجميله ديه حتى يرفع ذكرك
عند ربك جل وعلا ....

* أقولك على حاجه كمان ترفع ذكرك وهى مناسبه أوى لموضوع
رمضان ؟ القرأن ، قال النبى (( أن الله يرفع بهذا الكتاب أقواما ويضع
به أخرين )) { شهر رمضان الذى أنزل فيه القرأن }

* بصوا الأيه ديه ربنا بيقول أيه ؟ { نزل به الروح الأمين } فين ؟؟
{ على قلبك } ... أيوه أنا عايز المعنى ديه .. علشان يبقى
أحلى رمضان فى حياتى عايز ينزل القرأن على قلبى ....
يبقى ربيع قلبى .. يبقى النهر اللى أنا بتروى منه ... يغسلنى
من خطاياى ويشفى صدرى من كل الأفات وفى نفس الوقت
يستودع فى قلبى حبه ... يستودع فى قلبى الأيمان بيه ...

* أنا عايز المعنى ده يا جماعه السنادى نترجمه عملى ....
القرأن السنادى حاجه تانيه ... وردك من القرأن السنادى
شىء أخر ... مش مهم حتقرى قد أيه .. لكن المهم حيوصل
قلبك أيه ؟؟؟ عايزك تجمع ما بين الأمرين .. أن القرأن تقرى
وتزود فى القرأه ... بنيه الأستشفاء { وننزل من القرأن ما هو
شفاءا ورحمه للمؤمنين } انا عايزك تشتغل جامد فى الأول .
علشان خاطر الرحمه تنزل على القلب وفى نفس الوقت يشفى
قلبك من الحاجات اللى قاطعه بينك وبين ربنا ....

* علشان كده عايزين نزود ورد القرأه السنادى .. عايزك تحط
فى نيتك من دلوقتى كام ختمه ؟؟ يا ترى حتختم ختمه كل عشرين
وختمه فى العشر الأواخر ... ولا حتختم كل أسبوع .. ها حتختم
قد أيه ؟؟ وفى نفس الوقت معاك كشكول فيه ( أيات أستوقفتنى)
وفى لحظه التراويح هى ديه لحظه التدبر والتفكر وكأنك فى خلوه
مع ربنا وربنا بيكلمك وخلاص أنسى اللى جنبك وانسى الدنيا
واسمع الكلام وافتحله قلبك .. وافتكر الأيه اللى قولتلك عليها
{ نزل به الروح الأمين على قلبك } تبقى حاسسها ....

* طيب حاسس ان المعاصى والذنوب اللى أنته عملتها لن
تغفر .. ده بقى شهر المغفره ديه اللحظه اللى كلنا مستنينها..
ربك غفور رحيم تواب عفو يحب العبد .. لو جالك الشيطان
لو نفسك الأماره بالسوء قالتلك : أنته مش بتاع سكه ربنا
أنته عملت ذنوب كبيره أوى أنته كذا انته كذا .....
قولها وقوله : ليا رب غفور يحب أن يغفر ..
(( لولا لم تذنبوا لجاء الله عز وجل بقلبا يذنبون حتى يغفر
لهم )) ... (( لو أتيتنى بكراب الأرض ذنوب ومعاصى
وسيئات لأتيتك بكرابها مغفره )) كل ده ومبتحبوش ؟؟؟

* كل ده ومش حتقطع نفسك عشانه السنادى فى رمضان
لازم نعمل كده يا شباب السنادى رمضان حاجه تانيه ...
يا جماعه زمنا ده زمن التمحيص ؟؟ يعنى أيه يعنى ربنا
بيختبر الناس ( يا حلو يا وحش ) اللى فى النص مبقاش ..
تبص تشوف ناس كانوا معاك ضاعوا خالص وانتكسوا .

* علشان كده السنادى أوعى ترضى انك تبقى فى حزب الشيطان
فى الخاسرين .. فيمن قال فيهم رسول الله صلى الله عليه وسلم
(( بعد من أدرك رمضان فلم يغفر له فيه ))

* المناسبه التانيه : فى رمضان كانت بدر يوم 17 رمضان
من السنه الثانيه من الهجره .. وانا عايز رمضان السنادى
يبقى أحلى رمضان فى حياتى ... يبقى بدر عمرك ....

* فى بدر نكث الشيطان على عقبيه لما رأى الملائكه تنزل
وهزم حزب الشيطان ... أنا عايز معركتك السنادى مع إبليس.
تقولى : الشياطين متسلسله ؟؟ أه متسلسله بس ساعات بعض الناس
قالت الصغيرين مربوطين .. وإبليس مش بيبقى مربوط .. أو على
الأقل هو مصفد بس قاعد يرمى فى الوساوس من بعيد لبعيد ...

* عايزك السنادى تنتصر فى معركتك مع الشيطان ...
واحد من الشباب بقول للأسف : أنا مشيت فتره طويله أوى
من عمرى بعيد عن ربنا ... نسيت ربنا والدنيا لعبت بيا
وكان معاى شله أنس من طراز خاص ... دول بقى ماكنش
نافع معاهم أى حاجه .. نقوله نروح نصلى يقولك : صلاه أيه
ياعم هى شويه حركات نعملها وخلاص .. تقوله نصوم يقولك
الواحد محتاج يعيش وبعدين يعنى هى العمليه عذاب ..

* فبيقول : فا فى ليله من الليالى وانا مش عارف أحنا أنهى
ليله ولا أى حاجه .. ببوص لقيت الناس عربيات قد كده قدام
الجامع .. فبقولهم أيه النظام ؟؟ هو فيه حاجه حفله ولا حاجه ؟
قالولوا : لا أبدا بكره رمضان بس ... بيقول : الكلمه صدمتنى
بيقول : دخلت المسجد وقلبى أرتعش رعشه معرفش مبقتش
متمالك نفسى ... حسيت بحاجه غريبه بتشدنى للمسجد وشد
أنتباهى وانا داخل دعاء دخول المسجد ( قولته) .. وبعد كده
بصيت لقيت الشيخ اللى كان بيأذن ... فرحلته وقولتله يا شيخ
أنا عايز أقولك قصتى ؟؟ أنا عملت كل حاجه انا ضيعت الدنيا
أنا كذا كذا .. فبيقول : الشيخ راح مبتسم فى وشى وقالى : قوم
أتوضى وتعالى ...

* بيقول : قومت أتوضيت ودخلت صليت معاهم العشا وصليت
التراويح .. والشيخ راح واخدنى بعد الصلاه وبدأ يعلمنى حاجه
حاجه ... بدأ يقولى أمسك مصحف وابتدى أحنا فى زمن جميل
ده شهر القرأن .. بييقول كان أول يوم فى حياتى أول يوم أحس
أن أنا فعلا بنى ادم ... بيقول : مشت الأيام والشيخ بيرعانى
وعدى رمضان .. وشهر بعد شهر وإذا بعد عام أفتح الجرنال
ألاقى أسمى وصورتى ومكتوب تحتيها ( حصل على جائزه
ختم القرأن حفظا وتجويدا ) بعدها سنه كان خاتم لكتاب ربنا .

* ليه أنته حاسس ان أنته متنفعش ؟؟؟ يمكن تبقى لحظه
صدق لحظه صدق واحده تبلغك منزله عمرك ماكنت
تحلم بيها ... بدر كان شعار المؤمنين .. تعرفوا كان أيه ؟
كانوا بيهتفوا يقولوا أيه ؟ (( أحدا أحد )) هتاف بلال . كان هتاف
أهل الأيمان فى بدر (( أحدا أحد )) وهو ده شعارنا بردوا وهتافنا
فى رمضان ...

* هو واحد مفيش فى القلب غير ربك .. هو واحد هدفك واحد
قصدك واحد للأحد الواحد كلنا على طريق واحد إلى الرب الواحد.
فى بدر وقف عمير بن الحمام يقول : يا رسول الله : جنه عرضها
السماوات والأرض .. يعنى الجنه بجد عرضها السماوات والأرض
الجنه حتبقى بالسعه ديه ؟؟ قال : نعم ، قال : عمير بخا بخا .. يعنى
يااااااااااااااه أيه الحلاوه ديه .. فقال رسول الله : ما يحملك على أن
تقول بخا بخا ؟؟ قال : والله يا رسول الله إلا رجاء أن أكون من أهلها.

* نفسى أدخل الجنه .. نفسى أبقى فى الفردوس الأعلى
فقال له النبى : فأنك من أهلها ... فكان يمسك بطمرات فألقاها
وقال : لأن حييت حتى أكل ثمراتى وتمراتى هذه أنها لحياه
طويله !!!! أنا عايزك كده شعارك كده علو الهمه كده ....

* قدامك الجنه وانته فى سباق للجنه هو المعنى كده .
فى يوم بدر أستغاث المؤمنون بربهم { إذ تستغيثون ربكم
فاستجاب لكم } والسنادى رمضان حيبقى أحلى رمضان
فى حياتنا وحنستغيث بربنا كل ما نحس ان أحنا مش قادرين
ننفذ الواجبات ونقوم بحق ربنا .. يوم ما تحس أن أنته تعبان
أصرخ لربنا ..

* فى يوم بدر أستشهد حارثه ابن سراقه ، الحديث فى البخارى
أن حارثه ابن سراقه أصيب يوم بدر فجاءت أمه إلى النبى
فقالت يارسول الله قد عرفت منزله حارثه منى ، فأن يكن فى
الجنه أصبر واحتسب .. قال الحبيب : ويحكى أوا جنه واحده هيا؟
هى جنه واحده ؟؟ (( إنها جنان كثيره وإنه فى جنه الفردوس ))

* ها ينفع يبقى رمضان بدر حياتك السنادى ... طيب ، أقولك على
حاجه لازم واجب عملى على طول .. عايزين الفردوس الأعلى
أحنا بنخطط على الفردوس الأعلى .. هى الخطه شغاله على كده .
قولى ياعم : براحه عليا أى حاجه فى الجنه ، أأقولك قال الحبيب
والحديث رواه البخارى (( إذا سألتم الله فسلوه الفردوس فأنه أوسط
الجنه وأعلى الجنه وفوقه عرش الرحمن ومنه تتفجر أنهار الجنه ))

* كل ليله وانته بتفطر تقول يارب أعتق رقبتى من النار وبلغنى
الفردوس الأعلى ...

* فى رمضان ولد الحسن والحسين : (( سيدا شباب أهل الجنه ))
يا شباب منفسكمش تبقوا فى رفقه سيدا شباب أهل الجنه ؟؟؟
طب نعمل أيه ؟؟ عايزين قولبنا تتولد من جديد.. والحسن والحسين
ولدا فى رمضان .. وأحنا كمان حنتولد فى رمضان .. حنتولد
ولاده جديده فى رمضان ... فعلشان كده كل سد بينك وبين ربنا
لازم يتهد ....

* أنته مقصر فى أيه ؟؟ صلاه الفجر .. صلواتك ؟؟ لسه مفيش
فايده بردوا البنات ... لسه ذنوب الشهوات ... لسه مش عارفين
يا أخوات نلتزم بالحجاب الشرعى ... الفرصه جت علشان كل
واحد بينه وبين ربنا يجدد التوبه .... يصلح من أحواله لازم السنادى
يبقى رمضان حاجه تانيه ...

* فى رمضان : نزلت براءه أمنا عائشه من حادثه الأفك ...
لأن الغزوه اللى خرجوا فيها كانت فى شعبان .. وهى قالت
والحديث فى صحيح البخارى إنها مكثت شهر .. وأنا عايزك
السنادى برائتك تنزل فى رمضان ... براءه من الشرك
براءه من النفاق براءه من النار ..

* وفى رمضان فتحت مكه .. وانا عايزك يتفتحلك باب
التوبه على مصرعيه فى رمضان ده ... قال النبى والحديث
رواه البخارى فى التاريخ الكبير وإسناده صحيح قال (( فتح
الله بابا للتوبه من المغرب عرضه مسيره سبعين عاما )) لو تجرى
بعربيتك 70 سنه .. تقطع كام مليون مليون من الكيلوا مترات ؟
باب التوبه مفتوح على مصرعيه هكذا ... (( لا يغلق حتى تطلع
الشمس من نحوه ))


* حدد هدفك واعزم على تحقيق نياتك ... أكتر حاجه تجيب
بيها فى رمضان إنك تتاجر بنيتك ... قال الله فى الحديث القدسى
(( إذا تحدث عبدى بأن يعمل حسنه فأنا أكتبها له حسنه ما لم يعملها
فأذا عملها فأنا أكتبها بعشر أمثالها ))

حنحدد نوايا ...

1 - عدد ختمات ختم القرأن ، ها حتختم قد أيه ؟ ختمه .. زود
خليك جدع ... خليهم ختمتين ، ختمه فى أول عشرين وختمه
فى العشر الأواخر ... ده أقل حاجه ....

2 - نيتك أن تتوب من جميع الذنوب ظاهرها وباطنها اللى
أنته لغايط دلوقتى مش عارف تخلص منها حتى لو وقعت
فى الذنب جدد توبتك فى الحال ....

3 - النيه التالته : يبقى ألتزامك يبقى ألتزام حقيقى ... ألتزام
بمعنى الكلمه تلتزم بطاعه الرحمن

4 - إنك تكسب أكبر قدر من الحسنات الشهر ده .. الشهر
تضاعف فيه الأعمال ... شارك فى مشروع أفطار صائم

* عايزين يا جماعه حسن الخلق أمر مهم أوى ..
قال النبى (( أن الرجل ليدرك بحسن خلقه منزله الصائم
القائم ))