اهمال المستشفيات

الموضوع ياجماعه اللى هتكلم فيه مهم اوى لانه بجد بقى ظاهره منتشره فى مصر وللاسف مفيش حد من المسئولين بيتحرك.

هتكلم عن الاهمال اللى بيحصل فى المستشفيات وده حاجه خطيره اوى ليه مفيش حد بيتحرك مش عارفه......

اللى بيحصل فى المستشفيات اهمال جامد جدا من كل حاجه من الدكتره والممرضين ده حتى من الامن بتاع المستشفى وغير كده ان المرضى هما اللى بيدفعو التمن .

ده غير اخطاء الاطباء وهو واحد من الاهمال اللى موجود فى المستشفيات اللى فى مصر

انا واحده من اللى دخلت هناك وشفت ايه اللى بيحصل

معامله جميله جدااااااااااا فى المستشفى تبقى داخل تتعالج وتلاقى اللى بيكلمك وهو مش طايق يشوفك اساسا

ولا الدكتور يدخل يكلمك وكأنه عالم ذره ولا ملك محدش قده على ايه يعنى معرفش

مع انهم بيكونو فاشلين وعملياتهم فاشله ومن الاخر داخلين كليه الطب واسطه

عايزه اعرف ليه الاهمال ده وليه كمان مش بيكون الادويه متوفره فى المستشفيات ليه بنتعب المرضى اكتر ماهما تعبانيين ليه مش بنعاملهم كويس ليه مش بنخرج دكتره ناجحين علشان بيكونو بعد كده تحت اديهم ارواح ناس؟؟؟؟؟؟؟؟؟؟مليون ليه ومليون علامه استفهام والاجابه........مفقوده.

يعنى الغرب مش عندهم كده اللى احنا بنقول عليهم كفره ومش مسلمين بيعاملو المرضى احسن معامله والدكتور عمره مايغلط فى عمليه واذا غلط بيتحاسب لكن احنا مفيش عندنا حساب ليهم بس بتيجى على الغلبان لكن اللى ليه وسطه انتو عارفين طبعا .........

وده سبب تقدم الغرب وسبب تخلفنا احنا ونرجع فى الاخر نقول هما ليه بيقولو علينا متخلفين؟

روحو وشوفو ايه اللى بيحصل فى المستشفيات اطفال بتموت وشباب وناس بتكون داخله علشان حاجه بسيطه بيطلعو تعبانيين اكتر ده اذا طلعو يعنى.

احب اقول فى الاخر انت اكيد فى................................مصر.

وللاسف لاتعليق