ماتستاهلش

ماتستاهلش أسأل عليك..
ولا أستناك..وأقول راح فين..
ماتستاهلش أهتم بيك..
وألف وراك..ولو ساعتين..
خسارة حبى مع شوقى و أحلى حنين..
ماتستاهلش أفكر فيك ولا دقيقتين..
ولا قلقى وخوفى عليك وقلبى حزين..
ولا أستناك ولو حتى تغيب سنتين..
مدام آخرك وعود وكلام بشكل جميل..
وعمره ماطال ..آخر وعودك ثانيتين..



ماتستاهلش حضن دافى وحنين..
وحبيب شارى وبيحبك وبيبين..
يدوس الصعب ولخاطرك يقول هين..
يدوق المر من صبرك ولا يبين..
وشوف مستنى من أمتى وكام يوم فات..
شهور بتعدى على القسوه يقوم ويبات..
يفكر فيك وبس أنت عايشها هناك..
محدش قالك ان العمر كلو ساعات..



ماتستاهلش تتعاتب وياما عاتبت..
ولا تتلام وتتحاسب أنا اللى تعبت..
علاجك عندى ..أهمالك..
مدام مش شاغل بالك..
وتشرب منى نفس الكاس..
وتعرف ايه آلام الناس..
ده لويعنى لقيت أحساس..
ماهوانت خلاص..ماتستاهلش