قصه غبيه بس بتعجبكم

وش سوى المرجوج يوم لقى الرساله بالكتاب

يقول بطل القصة:

أكثركم يعرف محلات الكتب المستعملة اللي في الرياض.. طيب تعرفون ذاك اللي وأنت رايح لــ ...

يجيك على اليمين؟

أقصد مكتبة الكتاب المستعمل اللي لوحتها ...... يا شيخ اللي على طريق .....

ياخي عسى عمرك ما عرفتها...

المهم السالفة إن المكتبة ذي تبيع الكتب رخيصة ..!!! ونص القيمة تاخذها من الــ..... حق الكتاب المستعمل..

وإذا تعاملت معه وقلت له مثلاً إنك بترجعه له، يعطيك خصم إضافي، المهم بقولكم قصة صارت لي مع كتاب شريته

من محل الكتاب المستعمل..

شريت لي كتاب وكان عندي اختبار له في اليوم الثاني.. (هذي طريقتي في الاختبارات).. المهم فتحت الكتاب أول

مر أشوف بس أبي أعرف ايش يتكلم عنه هالمقرر.. يعني صراحة فشيلة أحمل المادة توّني مسوي عملية قيصرية

لمادتين بحب خشوم الدكاتره..

فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم..

الكتاب طلع لبنت قبل ما تبيعه (يا عمري توها زانت المذاكرة) -أنواع المراهقة- والغريب إنها كاتبة الكلام هذا:

(أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة..

ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين)!!

وقامت تسب في دكتورة اسمها .... !! وبعد ما شبعت من سبّها.. قالت: (وعموماً فرصة سعيدة جداً إني تعرفت

عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ما

تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي

أشتريه في تاريخ كذا كذا ).. المهم (مالاحظتوا وش كثر قال: المهم ؟!!).. ناظرت في التاريخ.. لقيته بكرا!!!!! يا

ساتر وش أسوّي؟ طيب أنا ما ذاكرت.. وش ذا الحظ؟ المهم إني خقيت (يعني رحت وطي)..

وقررت إني أكتب لها الرد وبرجّعه.. وإنّا الحين كنّا المغرب قلت يمديني أكتب لها رد.. وأرجعه قبل مايسكر..

ضبطت لها رد محترم وقلت لها: ترى أبي أشتريه عقب أسبووع.. ورحت أرجعه.. وأنا في الطريق قلت: يا ولد

من كثر فلوسك أنت.. صوّر الفصول المطلوبة وذاكر فيها.. ورجّعه قل إنه ما ناسب..!!.. جيت للــ... وحبيّب الرجال

ما يخالف.. قالّي (خُته على الدورج) -حطه على الدرج للي ما معهم لغات- قلت له: أبشر ورحت (ختيته) نفس المكان

الي أخذته منه..

بعد اليوم الثاني بالليل جيت لقيته مشترى سألت الــــ...... : الكتاب اللي شريته منك أمس وينه؟ قال: امبارح اجت

بنت وشالته!!

نطيت على الــ.... من الفرحة..

المهم أخذت أنا ويّاها الله لا يقردنا ثلاثة أشهر وحنّا شارين الكتاب بايعين الكتاب.. والمستفيد الـ..... حق الكتاب

المستعمل.. لا وبعد صار ما يحطّه إلا فوق الدرج.. خلاص فهم علينا وصار يخليه عنده على الطاولة ويسلمه لي أو

لها أول ما نجي.. وأدّيله عشرين عالسريع.. مررررررت الأيام وجيت مرة قلت للـ... وين الكتاب؟ قال: ما أدري امبارح

جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آي

عليك الله أخدوه الزول الكتاب الأصفر..

المهم طلعت وركبت السيارة.. ويوم وصلت الإشارة قلت: لحظة يا رجال، الـ..... الحين يقول الكتاب الأصفر.. يا خي هو

أحمر أصلا مهوب أصفر..

المهم ديورت بسرعة ودخلت المحل بسررررعة.. تتوقعون وش شفت؟!!!



































































لقيت الـــ ..... ماسك كتابي الأحمر وقاعد يكتب الرسالة اللي أنتظرها في صفحة من الصفحاااات !!!!!!!!.

__________________________________________________ ______