يا ترى ربنا بيحبك ؟؟؟

متستعجلش على القراءة
اسأل نفسك الأول
ليه ربنا اختارك انت ومختارش غيرك عشان يقرأ الورقة دى؟
عشان هو بيحبك عايزك تقرأ فتعمل باللى هتقرأه فيديك حسنات فيدخلك الجنة
انت بقى مقدّر حب ربنا ليك؟

اتفضل إقرأ...أكيد شفت واحد من لاعيبة الكورة بيتمرن كتير قبل الماتش
مسألتش نفسك ؟..... هو ليه بيتمرن كده....؟
يعنى لو متمرنّش ايه اللى هيحصل؟
ممكن ميعرفش يلعب او ينزل الملعب يتكسر أو ميكونش نشيط فى لعبه
مش بعيييييييد...........

أكيد شهر رمضان كده برضه ... عايز تمارين وتسخين واستعداد
صح ولا غلط..

طب هتستعد إزاى...؟فى 10 طرق
قبل ما نقولهم .....فى 10 طرق للوصول ليهم وحاسبهالك بالوقت كمان..

تعرف تصلى الفجر فى المسجد النهاردة ..بجد يعنى لا هتجيلك أزمة قلبية ولا فشل كلوى ، واعتبر انك رايح رحلة مع المدرسة بتاعتك أو الكلية وقت الفجر. (15 ق)

تعرف تقوم بالليل وتصلى ركعتين بس .... أكيد يعنى مش هتتعب ولا هتخسر حاجة. (3 ق)

تعرف تقرأ كل يوم من النهاردة 5 صفح قرآن ..... أظنهم مش هيجيبولك اللوز ولا هيقطعولك الحبال الصوتية .... بعد كل صلاة صفحة واحدة بسسس. (10 ق)

لو تعرف تسامح كل اللى اغتابك وسرقك ونصب عليك وكذب عليك وعمل فيك أى حاجة تبقى حطيت رجلك على اول الطريق.

لو تعرف تكون بجد راجل وتصلى بقية الصلوات النهاردة فى المسجد مش الجمعة وبس تبقى عملت المطلوب منى أنا وزيادة بس مش المطلوب من ربنا.(60 ق)

يا سلام بقى لما تحط نص جنيه فى صندوق المسجد ... أظن انك لو عملتها مش هتموت من الجوع ولا هيجيلك هبوط فى الدورة الدموية عشان مكلتش بيه .

تطلب رضا الوالد والوالدة و تبوس ايديهم كل يوم و لو مرة واحدة وتبعد عن أصحاب السوء اللى مش كويسين ويا سلام لو تحاول تاخد بإيديهم وأقل حاجة ممكن تقدمهالهم تديهم الورقة اللى فى ايدك دى .

صوم الاتنين الجاى والخميس .. على ما أعتقد انك هتصوم شهر كامل فمجاتش عند يومين منفصلين ونقول هنتعب.(13 س و 13 س)

حاول متشربش سجاير فى الأسبوع ده ولو يومين ولو يوم واحد منه اصل انت كده مش هينفع ليك توبة ولو قرأت القرآن كله ألف مرة لأنك ناوى انك تعصى ربنا بعد الفطار.

10- حاول انشر الورقة دى وصورها ووزعها حتى لو مكنش معاك غير بريزة ..(لا تحقرن من المعروف شيئا).

ودلوقتى انت هتفضل تعمل كده الأسبوع الأول قبل رمضان
لأن فاضل على رمضان اسبوعين
وانت كده ابتديت السباق وهتعمل حاجة كويسة وان شاء الله هتكسر كل الأرقام القياسية....
يلا شد حيلك حط رجلك على الأستارت وخد نفس ويلا اعمل اسبرينت بس مش هتعمل الإسبرينت قبل ما تخلص العشرة الجايين دول....

اقرأ 10 صفح كل يوم وايه يعنى لما تزود صفحة على اللى قرأته امبارح بعد كل صلاة أظنها مش هتضيع وقتك ولا هتشلّ لسانك من كتر القراءة يعنى .(20 ق)

صوم الأسبوع كله تبقى شاطر لأنك لسه صايم الخميس ... والجمعة أجازة وهتصوم من السبت لغاية قبل رمضان بيوم تفطرعشان تعمل فاصل.

المداومة على أذكار الصباح والمساء (20 ق) وأذكارنا اليومية فى كل شئ.

قيام الليل مش أقل من ربع ساعة واقف ... أظنك لو واقف فى قهوة ساعتين بتشوف المنتخب هتستحمل وانت اكيد عارف مين أولى بالساعتين أقصد الربع ساعة.(15 ق)

متحاولش انك تأكل من حرام لأنك كده مش هيستجاب ليك أى دعاء ... والحلال يغنى ان شاء الله (ومن يتق الله يجعل له مخرجا ويرزقه من حيث لا يحتسب).. ربنا يزقك ان شاء الله قول آمين

الأهم من ده كله ابعد عن أى علاقات محرمة سواء مع بنات أو شباب لأن ده هيضيع عليك رمضان. ويا سلام لو تصالح كل متخاصم معاه وأنا عارف يا سيدى ان هو اللى غلطان فى حقك بس اعرف ان رحمة ربنا فى الأيام الأولى مبتنزلش على اتنين متخاصمين أبدا فصالحه عشان خاطر رحمة ربنا تصيبك مش عشان حاجة تانى .أوكى

حاول انك تبطل السجاير الأسبوع ده خالص بجد يعنى هتنفعك أوى عشان التوبة زى ما عملت الأسبوع اللى فات.

احمد ربك ان انت مش غيرك هو اللى قرأ الورقة دى لأن فى غيرك مستنيين كلمة واحدة عشان يسمعوها وانت فى ايدك ورقتين مليانين كلام ويا عالم هتعمل بيهم ولا لأ. قول الحمد لله رب العالمين.

انشر الورقة اللى فى ايدك دى لأنك مش أحسن فى حاجة من اللى مخدهاش.

10- الإستعداد الروحانى بقلبك لقبول الشهر واعرف ان والله و والله ثم والله انك فعلا معاك فى ايدك كنز لو مقدره ... وهتستفيد كتير أوى لو مشيت بالحرف زى ما مكتوب فخلّى بالك.


وأخيرا لو الورقة مش عاجباك مترميهاش عشان فيه اسم الله وعشان غيرك نفسه يقرأها ويمشى علي الكلام اللى فيها فإديها لغيرك أفضل من انك ترميها ومتستفيدش بيها...
والسلام عليكم ورحمة الله وبركاته