زحمة المترو

زحمة المترو


في وسط زحمة المترو لمحت مدايا في عيونها و نظرة عينها خطفتني لجوة عنيها من لونها
ملامحها شبه حلمي و لون الخد لون ايدي لقتني كأني معرفهاش و بعشقها كما نيلي
لمحت البسمة خجلانة يا مترو اصبر ديه ميالة
بتجري بسرعة لية دلوقت ما تعطل حبة كالعادة كفاية عزاب يا مترو اتلم ده 100 مشتاق و مشتاقة
محطاتك تجمعهم على قضبان ما تتلاقى
لمحت البسمة خجلانة يا مترو اصبر ديه ميالة
بتجري بسرعة لية دلوقت ما تعطل حبة كالعادة كفاية عزاب يا مترو اتلم ده 100 مشتاق و مشتاقة
محطاتك تجمعهم على قضبان ما تتلاقى



قالوا ع الحب


قالوا ع الحب قالوا قالوا ع الحب
قالوا ع الحب حالة نفسية او مرضية و استهلاك للوقت و اللي يحب ده مواطن من الدرجة التانية يتجنن و يشت
اسف جدا و ازاي تبقى حياتي طبيعية لو لكلامكم استسلمت و ازاي اعيش من غير الروح الطفولية و احلف اني عمري ما عشت
و انا قلتلهم امتى احس بكل حواسي و امتى اقول اني استمتعت و بعيد عنكم في الحب عرفت الحرية و انا ما انكرش اني اتعلمت
غصب عنكم قلبي محطة كهربائية تفضل دايرة طول الوقت و اللي بحبه ببعتله اشارات ضوئية و بيضحكلي لما ضحكت
و انا في بحوره امواج الفرحة الحقيقية بترجعني مهما بعدت و ازاي اعيش من غير الروح الطفولية و احلف اني عمري ما عشت



المـجـنـون


كسر المجنون مرايته لما ما لقاش صورته فيها قام خبطها بكعب حظه اللي صدى سنين طويلة
فسر الدنيا في لحظة لما شاف بيت القصيدة كسف الكوكب في لقطة قصر وسط بيوت فقيرة
هجرت الكلمات دماغه الالم نام بين صوابعه فوق لسانة الحر عشش نسر اصفر عجبه خرسه
باشت البسمة في ملامحة حن للسكة الطويلة باع حياته بضحكة صافية هاده بيها عيون حزينة
كسر المجنون مرايته لما ما لقاش صورته فيها قام خبطها بكعب حظه اللي صدى سنين طويلة





افلت زمام


افلت زمام آمالك هتلاقي الكون قبالك ما الفرحة هي لحظة يشبع فيها جنانك
مجنون و الحب غاية بحلم من غير نهاية امانة يا بحر طبطب على شمس تكون مراية
و افلت زمام آمالك
و اه يا موج يا عالي هعوم فيك ما بدالي ع الشط الحُر ارسى و القى جواب سؤالي
و افلت زمام آمالك
انا صاحي انا صاحي انا صاحي انا صاحي برغم جراحي هفرد قلبي و ارفر و الضم ليلي بصباحي