زحــــــــــــــــــــــــــــــمة

زحمة

إسأليني يا حبيبتي ع اللي داير في البلاد اللي فيها صدروا حلمي و باعوا صوتي في المزاد
إسأليني عن ولاد شوفتهم بعنيا دول جربوا كل الحلول و بيفشلوا بالاجتهاد
أحكي ليكي الف قصة من حكاوي التعبانين اللي عايش نص ميت و اللي ميت من سنين
اللي نص كلامه كحة و اللي شاف خمارة رحها و اللي أكل العيش دبحها دايرة دور ع السكرانين
زحمة زحمة زحمة
اللي نامية و فيها ثروة من الفلوس تعمل جبال إسأليني عن كباري نايمة تحتيها العيال
إسأليني ع الغلابة و إسأليني ع التقال إسأليني ع الديابة و إسأليني ع الفساد
زحمة زحمة زحمة
إسأليني اشمعنى صابر على المقاسي الملهية اقولك اني كنت واحد من الغلابة الاغبية
اللي صبروا في انتظار المعجزات و الانبية و اللي فاق من وهمه فجأة لقى كفر قوم عاد
لسة برضه قلبه طاير كعب داير في البلاد
زحمة زحمة

[ندعوك للتسجيل في المنتدى أو التعريف بنفسك لمعاينة هذه الصورة]