كنا صِـــــــــــــــــــغار

كنا صِغار

كنا صغار و كبار و مابينا كان اسرار خدنا الطريق على فين و مشينا كام مشوار
الماضي في عنيا و بعيش و انا بينكم احلامي طفولية و بشوفها بعيونكم
حلوة الدموع يا اصحاب و انا لسة وسطيكم و مفيش لا سور ولا باب ولا رعشة في ايديكم
نفسي في ايدين دافية ولا في عيون صافية انا لية بقابل ناس تضحكلي بالعافية
يا صحابي اية مانع راجعين و انا راجع للمة ع الناصية و اللعب في الشارع
نضحك بحرية نفرح ولو لحظات ايامنا حنية نلضمها بالحكايات
حلوة الدموع يا اصحاب و انا لسة وسطيكم و مفيش لا سور ولا باب ولا رعشة في ايديكم
يا صحابي بسبقكم و في قلبي اشواقكم و مهما قولتولي دايما بصدقكم


قول اه

جلوبولايزاشن جلوبولايزاشن و جلوبولايزاشن جلوبولايزاشن
متضايق من هدومك متضايق من همومك متضايق من حياتك متضايق من مراتك
قول اه
متضايق من الزحام متضايق من الكلام متضايق من الزمالك متضايق من التكاتك
قول اه
متضايق من الاعلام متضايق من الاحلام متضايق من الكوابيس متضايق من الافلام
قول اه
متضايق من الرياضة متضايق من حمادة متضايق من الاذاعة متضايق كل ساعة
قول اه
متضايق من البلاوي متضايق من الكيماوي متضايق من السياسة متضايق و بحماسة
قول اه
متضايق من التكيف متضايق من الرغيف متضايق من الشاويش من الكيميا في حشيش
يا حبيبي تعالى الحقني شوف اية اللي جرالي
متضايق من السلالم متضايق من الشتايم متضايق من الصراع متضايق من الصداع
قول اه
متضايق من اللي جاي متضايق من اللي فات متضايق من اللي عده متضايق من اللي آت
قول اه
متضايق من الحصار متضايق من الدمار متضايق من السلام متضايق و السلام
قول اه
متضايق من الربيع متضايق من الخريف متضايف من الظريف متضايق من السخيف
قول اه
متضايق من مديرك متضايق من ضميرك متضايق من الظروف متضايق من الكسوف
قول اه
انفلونزا الخنازير انفلونزا الطيور روح مستشفى الحميات و يفتح بُقك دكتور
قول اه
يا حبيبي تعالى الحقني شوف اية اللي جرالي


بــحــار

بحار خايف من المشوار في البحر و انت بعيد الموج تملي يزيد و يخبي في الاسرار
محبوب و مفكش اي عيوب مهما تغيب على العين نورك على الشطين حبك قدر مكتوب
وناس بتحب كل الناس صوتك يونسني من نظرة تهوسني و عنيك قمر من ماس
و بدور و بعدي اي بحور تندهني و انا روحلك تحضني و ابوحلك ده الحب عصفور نور
محبوب و مفكش اي عيوب مهما تغيب على العين نورك على الشطين حبك قدر مكتوب
وناس بتحب كل الناس صوتك يونسني من نظرة تهوسني و عنيك قمر من ماس



انــسـان


انــسـان
انا مش فارس ولا فتى احلام انا زحمة و ربكة و شغل جنان
نصي بيضحك و التاني زعلان انا شيخ فلتان طيب شرير و جرئ و جبان
اوقات مشرق و اوقات بهتان و ساعات سلم و ساعات تِعبان مفتري جدا و كمان غلبان
شبابيك و بيبان توهت عنوان انا م الاخر عفريت لابس بدلة انسان



اية يعني


اية يعني لما سبتيني بشكل مش معقول مانا عايز اسيبك من بدري لكن مكسوف اقول
ماضيكي مش لطيف و دمك مش خفيف و شيطانك اللي جوة حيوانك الاليف
اية يعني لما سبتيني بشكل مش معقول مانا عايز اسيبك من بدري لكن مكسوف اقول
رغم انك بليدة استاذة في الخيانة فاكره نفسك حويطة و انت في اولى حضانة
تتغذى ع الباتيه و عامله بنت بيه امال لو كنت حلوة كنت عاملتي اية
اية يعني لما سبتيني بشكل مش معقول مانا عايز اسيبك من بدري لكن مكسوف اقول
مسكنتك خليت قلبي يدق وقعت في حبك لية انا حاسس اني كنت بلُق في جزمة حبك ديه
صبرت عليكي كتير و كنت في حبي امير و اعصر على نفسي لمونة و اقول قشطة الايام هتطيب
اية يعني لما سبتيني بشكل مش معقول مانا عايز اسيبك من بدري لكن مكسوف اقول




عندي سر


انا عندي سر عندي سر خطير انا عندي سر لازم يتشال في بير
السر ان الحياة لازم تتعاش و اللي يكرها ما يستاهلهاش و ده يا ناس سري سري الكبير
انا عندي سر عندي سر خطير انا عندي سر لازم يتشال في بير
و كفاية تكون انسان عندك حب و حنان جرب عيشها بجنان بس متكنش جبان
انا عندي سر عندي سر خطير انا عندي سر لازم يتشال في بير
اللي افتكرته موسى طلع فرعون و اللي افتكرته حبي طلع بيخون
اللي عشقته في خيالي و اللي سهرت الليالي و اللي اتمنيته يجي ياريته ما جاني
و كفاية تكون انسان عندك حب و حنان جرب عيشها بجنان بس متكنش جبان
السر ان الحياة لازم تتعاش و اللي يكرها ما يستاهلهاش و ده يا ناس سري سري الكبير