حبيبه
عدد المساهمات : 3242
نقاط : 33673
تاريخ التسجيل : 26/10/2009
العمر : 37
الموقع : بدر البدور
 | | موضوع: تورتة عيد الحب من صنع إيدكى! الجمعة ديسمبر 11, 2009 9:11 pm | |
| تورتة عيد الحب من صنع إيدكى !
وعلشان عيد الحب يبقى عيد حب يبقى لازم كل بنت تعمل للإنسان اللي بتحبه حاجة من إيديها لأن زي ما كلنا عارفين إن أقرب طريق إلى قلب الراجل هو معدته...
مش كده ولا إيه؟!
ودي طريقة عمل تورتة عيد الحب
المقادير للكيكة الإسفنجية:
5 بيضات.
كوب ونصف سكر بودرة.
1كوب سمن.
3 كوب دقيق.
1 معلقة صغيرة فانيليا.
1 معلقة صغيرة بيكنج بودر.
كوب ونصف كاكاو.
الطريقة:
1. هاتي البيض واكسريه في إناء عميق وضيفي إليه السكر والفانيليا واضربيهم مع بعض "بالمضرب الكربائهي" لمدة ربع ساعة أو لغاية ما تلاقي الخليط ده بقى عامل زي الكريمة...
2. بعد كده هاتي الدقيق والبيكنج بودر وضيفيهم لبعض ولو عايزة تعملي كيكة بالشيكولاتة ممكن تضيفي إليهم "الكاكاو"...
3. ضيفي الدقيق والبيكنج باودر بالتدريج إلى البيض والسكر وقلبيهم مع بعض كويس باستخدام معلقة خشب بس خدي بالك إن التقليب يكون بالراحة.
4. بعد كده هاتي قالب كيك على شكل قلب وادهني القاع والجوانب بشوية سمنة ورشي رشة صغيرة من الدقيق علشان الكيكة ماتلزقش منك في الصينية وبعد كده صبي خليط الكيكة فيها....
5. شغلي الفرن لمدة 5 دقائق وبعد كده دخلي صينية الكيكة الفرن وخلي درجة الحرارة متوسطة وسيبيها لمدة 40 دقيقة أو لغاية ما تلاقي وشها احمر....
6. ولو عايزة تتأكدي من إن الكيكة استوت من جوه يبقى ممكن تجيبي سكينة نضيفة وتحطيها في وسط الكيكة، لو خرجت السكينة نضيفة زي ما هي يبقى كده الكيكة استوت من جوه، لكن لو خرجت وفيها أي حاجة يبقى الكيكة ماستوتش..بعد ما تستوي الكيكة خرجيها من الفرن وسيبيها شوية لغاية ما تبرد علشان تقدري إنك تنقليها في صينية تانية مستديرة وخدي بالك وإنتِ بتنقليها إنك تحطيها على وشها بحيث تبقى الناحية اللي تحت فوق واللي فوق تحت.
طريقة تزيين وحشو التورتة:
المقادير:
زيدة.
لبن.
مربى.
علبة كمبوت أناناس.
1/2 كيلو فراولة.
علبة بودرة كريم شانتيه.
جوزة الهند مبشورة.
تشكيلة مكسرات مفرومة "لوز وبندق وجوز وفستق"
كريز.
قمع لتزويق التورتة.
الطريقة:
1. طلعي الزبدة من التلاجة وسيبيها لمدة نصف ساعة علشان لما تيجي تستعمليها تلاقيها سايحة شوية...
2. هاتي طبق عميق وحطي فيه اللبن البارد وبعد كده ضيفي إليه علبة بودرة "الكريم شانتيه" واضربيهم مع بعض كويس بالمضرب الكهربائي، لمدة عشر دقائق وبعد كده حطي الكريم شانتيه في الفريزر...
7. هاتي الكيكة وقسميها باستخدام سكينة الحلويات إلى طبقتين، وخدي الطبقة الأولى وحطيها على صينية تانية ورشي عليها ماء الكمبوت..وعلى سطح النصف التاني من الكيكة هتفردي طبقة من الزبدة بعد كده طبقة مربى "أي نوع مربى عندك" بعد كده ضمي الجزئين على بعض.
8. هاتي الكريم شانتيه وغطي الكيكة كلها بيه باستخدام ضهر المعلقة... وهاتي القمع وحطي فيه كريم شانتيه وزوقي الأطراف، وعلى فكرة ممكن تحطي على الجوانب جوز الهند والمكسرات المفرومة اللي عندك.
9. بعد كده هاتي أي نوع فاكهة عندك "فراولة أو تفاح" وقطعيهم إلى شرائح أو قطع الأناناس اللي موجودة عندك والكريز وزوقي سطح التورتة بالشكل اللي إنتِ بتحبيه، بعد كده حطيها في التلاجة لمدة نص ساعة.
وبألف هنا وشفا
وعيد حب سعيد عليكم | |
|
عين الحياة
عدد المساهمات : 2042
نقاط : 31197
تاريخ التسجيل : 15/11/2009
العمر : 40
| | موضوع: رد: تورتة عيد الحب من صنع إيدكى! الخميس ديسمبر 31, 2009 7:59 am | |
| | |
|
بنوته عسوله
عدد المساهمات : 551
نقاط : 28160
تاريخ التسجيل : 29/10/2009
| | موضوع: رد: تورتة عيد الحب من صنع إيدكى! الجمعة ديسمبر 30, 2011 10:08 am | |
| | |
|
