دوبوش كيك بالشوكولاتة والكراميل
مقادير وطريقة الكيك
أول حاجة تدهني6 صواني فويل بالزبدة أوالسمنة
مقاس واحد ( ولايكون حجمها كبييير جدا متوسطة الى صغيرة
أفضل مقاااس)
2 1/2 ك دقيق منخول مع 2 م ك ب بودر
و1/8 م ص ب صودا
4 بيض كبير
1ك زيت
1 ك سكر
1/2 ك ماء
3 م ك زبادي يعني علبة صغيرة 85 جرام
1/4 م ص ملح
فانيلا
هتعمليها زي مابتعملي اي كيكة
تخفقي البض والسكر والفانيلا والملح لينفشووا ويتضاعف حجمهم
ثم الزيت وتخفقي
ثم الدقيق بالتبادل مع الماء والزبادي
على 3 مرات
دلوقتي بأه تاخدي الكوب اللي عايرتي بيه الدقيق
وتملأيه بخليط الكيك
وتفرغيه في كل صينية من ال6 صواني
وهكذا في الى ان تمتلىء كل الصواني
ال6 بمقدار متساوي من الكيك
وكل الصواني هيبقى فيها مقدار الكيك
بالتساوي
عشان ملأتيها بنفس الكوب
وعشان تبقى كل صواني الكيك
سمك وحجم وااااااحد باذن الله
وفكرة الصواني الفويل دي
فكرت فيها
عشان مستحييييل طبعا يكون عندنا
6 صواني بنفس الحجم ونفس المقاس
تسخني الفرن حرارة 150 الى 160 درجة هادئة
عشان الصواني الفويل لاتتحمل الحرارة العالية
وعشان طبقة الكيك رقيقة وحنينة في الصواني
وماتتحملش الولعة الرهيبة دي
المهم دلوقتي مش هتدخلي ال6 صواني كيك
في وقت وااحد في الفرن
عشان كتييير اوووي
تدخلي صينتين كيك وبعدها لما يستووا
تدخلي الصينيتين اللي بعدهم
وهكذا يعني على 3 مرات
كل مرة تدخلي صنيتين
يستووا ومش بياخدوا وقت اطلاااااااااااقا
يعني ممكن من 20 الى 15 دقيقة حسب
ماتشوفيها استوت كأنها سويسرول
سريعة جدااا في سواااااها
وتحطيهم عالرف الاوسط في الفرن عشان برده مش تتحرق
ولانها طبقة رقيقة من الكيك في الصواني
وباذن الله تستوي بسررعة
بعد ماتستوي كل صواني الكيك
وتهدى وتاخد نفسها من الولعة الي شافتها
تحشي بين الطبقات بصلصة شوكولاتة تكوني
مجهزااها قبلها طبعا
دي مقاديرها وطريقتها
صوص الشوكولاتة
2 م ك زبدة
2 و1/2 م ك دقيق
1ك حليب
3 م ك كاكاو غااااااااامق ونوع كويس
4 الى 5 ملاعق كبيرة سكر حسب حبك للطعم الحلو
فانيليا
رشة ملح
1/4 م ص قهوة تركي بودرة
كل المقادير تقلبيهم الاول عشان تختفي الكتل ماعدا الفانيليا تحطيها اخر
حااااااااااجة وبعدين تحطيهم في كسرولة على النار وتفضلي تقلبي بمضرب سلك
يدوي
على نار متوسطة لغاااااااااية ماتتقل معاك وتغلظ وتسمك
بكل اللهجات اهو ههههه
و بعدها تحطي الفانيليا وتسيبيها تبرد وتحشي بيها بين طبقات الكيك
وبعد ماتحشي طبقات الكيك بالشوكولاتة
تغلفيها بالكريم شانتيه بالشوكولاتة
هتحتاجي 3 مغلف دريم ويب
او 15 ملعقة تخفقيها ع 1 1/2 ك مااء او حليب بااارد
مع3 م ك كاكاو غامق
مع سكر بودرة حسب حبك للطعم الحلو
شففتوا السهوولة
اخر حاجة بقى تحطي عالكيك مثلثات
ولها خيارات كتيييرة
بسم الله نبدأ في الخيارات
أولاً لو عايزة تعملي مثلثات الميل فاي
تجيبي علبة ميل فاي فيها3 دواير
هتستخدمي داايرة واحدة بس
تقطعيها ل16 مثلث
8 وبعدين 8 زيهم
يبقى عندك 16 مثلث
والدايريتين اللي باقيين
عندك ممكن تعملي بيهم تورتة ميل فاي
بتحشيها كريم باتسيير
وبتحطي عليها خطوط شوكولاتة سايحة
على الوجه
وتقومي عاملة بخلّة شكل الزجزااااج
بس كده
يعني هيبقى عندك تورتة ميل فاي
وتورتة عادية
دي وهي متقطعة
ودي غلفت المثلثات بالكراميل
ودي مقادير وطريقة الكراميل
في كسرولة جاافة
تحطي 3/4 ك سكر
و3 م ك ماء
و 2م ص عصير ليمون
او عصير ليمونة وخلاص
وتحطيهم عالنار هادية لغاية مايسيح السكر
ماشي بعدها تعلي النار
لغاية مايبقى اللون ذهبي فاتح ل5 دقابيق
بس او اقل حلو الكلام
بعدها بقى تخلي مكانه زي ماهو
وتكوني حاطاه مثلثات الميل فاي
على صينية ستنالس ستيل
وتحطي بالمعلقة على كل مثلث
كراميل الى ان تتغطى كل المثلثات بالكراميل
وتخليها تبرد
وبس خلاص كده خلصتي
وتحطيها على وجه الكيكة بشكل مايل
وممكن تغطسي اطراف المثلث بشوكولاتة
زي الصورة
لكن مش اساسي اطلااااااااااااااااقا
ثانيا لو عايزة تعملي مثلثات السابليه
دي مقادير السابليه وطريقته
ندخل بقى دلوقتي بسم الله
في مقادير البسكويت المشكل
(السابليه)
6 ملاعق كبيرة زبدة
2صفارة بيض
3/4 كوب سكر
1/4 ملعقة صغيرة ملح
فانيلا
2الى 3 ملاعق كبيرة ماااء بارد جداااا
2ملعقة كبيرة عصير ليمون باااارد
2 كوب دقيق
ولو عايزة سابليه بالكاكاو
تقسمس العجينة نصفين وتحطي على قسم
2 م كبيرة كاكاو
و
1/4 ملعقة صغيرة قهوة
وتعجينها الى تتلون بلون الكاكاو تماماااااا
الطريقة
تحطي الدقيق والزبدة والسكر والملح وصفار البيض
ببولة وتفركي الزبدة باطراف اصابعك
لغاية ماتبقى العجينة عاملة زي البقسماط الخشن
والزبدة تكون زي حبات البازلاء الصغيرة
بعدها تحطي عصير الليمون وتعجني العجينة كويييس
اخر حاجة تحطي الماء الباااااااارد وتحطي معلقة ورا معلقة
عشان ممكن العجينة مش تحتاج الا 2 م كبيرة ماء بس
لما تلاقيها بقت كرة متماسكة مع بعضها خلاص
اعجني كمان دقيقتي وخلاص
تجيبي ربع كمية العجينة او اقل حسب
حجم صينيتك
وتفرديها في صينية مدهوونة
وتحطيها في التلاااااااااجة ل20 ل 25 دقيقة تبررد تماما
وبعدها تقطعيها ل16 مثلث برده
وتدخليها الفرن متوسط الحرارة
لتستوي
ولما تبرد تماااااااااما ترفعي امثلثات برفق
وتغطيها بالكراميل نفس الطريقة اللي فوووق
بالضبط
ودي صورة للصينية قبل ان تدخل الفرن
ثالثا لو عايزة تعملي مثلثات من الشوكولاتة السايحة
تسيحي شوكولاة اي نوع تحبيه
وتحطيه في صينية مفروشة ورق زبدة
وتساويها كوويس
ولما تلاقي ان الشوكولاتة
مسكت نفسها لكن لسة طرية
قطعيها ل16 مثلث برددددده
وحليها تبرد تماما وتتماسك حلو خالص
وبعدها ارفعيها برفق
وحطيهها عالكيك
ميزة الطريقة دي
انها بالشوكولاتة طبعا
وان مش هتحتاجي
تغطيها بالكراميل ولا حاجة
منقول
