<blockquote class="postcontent restore">
# دجاجه وزن 1000 جم - 1200جم .
الدجاج الكبير أحسن في الحشي من الدجاج الصغير عشان ما ينشف ويظل طري
بهارات مشكلة - ملح - قرفة مطحونة - جوزة الطيب مطحونة ناعمه - زيت طبخ
للحشوة: رز مصري - لوز مقشر ومقطع
ونحتاج أكياس خاصة بالفرن للشوي
# التحضير: والآن مع الخلطة السحرية للتتبيل الدجاج
نخلط مقدار ملعقة طعام كبيره من كل من:
الملح - البهارات المشكلة - القرفة - جوزة الطيب
وكاسة صغيرة (بيالة شاي) من زيت الطبخ
تخلط كلها مع بعض وتحرك جيداً
ندهن الدجاجه بهذي الخلطة من الداخل والخارج جيداً زي ماهو مبين في الصورة
نجهز حشوة الدجاج على السريع
طبعا ما يحتاج نفصل في الرز لأن الأخوات أكبر من كذا ونكتفي بالحاجات الأساسية
نحط زيت طبخ في قدر ونضيف اللوز ونحركه حتى يصير لونه أشقر
ونضيف عليه الرز اللي نكون نقعناه قبل كذا
ونحط عليه ملح وبهارات والقرفة المطحونة
ونحركة ونصب عليه الموية المغلية ونتركة على النار حتى ينضج
وهذا شكل الرز وهو جاهز
</blockquote>
