خيرا تعمل شرق الدلتا

بسم الله الرحمن الرحيم




يا ترى انت بتصدق فى حكمة .....خيرا تعمل شرا تلقى....

ممكن مريت بموقف زى مثلا.. انك كنت راجل و مجدع و كفاءه مع واحد صحبك بعد ما ساعدته و خرج من المشكله اللى هو فيها...راح حلقلك

بل من الممكن انه ينكر المساعده و يبصلك بقرف و استحقار

ممكن تقول لا هفضل متمسك انك اعمل الخير و ارميه البحر

لكن برضو تلاقى نفسك بعد ما وقفت جنب واحد ..راح استندل معاك و و كمان عملك مشاكل



يا ترى انت متمسك بانك تعمل الخير و الصح مهما اللى حوليك كانو وحشين.. انت مش بتعمله ليهم انت بتعمله لربنا .. مهما كان اللى بيحصلك


ولا خلاص نفسك اتسدت من فعل الخير و مش شايف حد يستاهل مساعدتك ولا تعمل معاه شغل الرجاله عشان بعد كده بتلاقى نفسك فى مشاكل بسببه



و ان الدنيا دى و خصوصا فى الزمن ده ما بقاش فى حد محترم و طيب و صاحب بجد تعمل معاه واجب

و خلينى مع نفسى و مصلحتى بلا وجع دماغ .


و سؤال اهم.. لو كل واحد شاف التوبك ده و قال فعلا فى الزمن ده ما فيش حد يستاهل و (انا) الوحيد اللى كويس

طب مدام كلنا كويسين و شايفين الاخرين هما اللى اندال.... طب مين بقى الاخرين دول .. ولا دول اشباح..

طب مش ممكن تكون انت من الناس الاخرين الاندال دول اللى انت بتقول عليهم و انت مش واخد بالك

الاحساس ده بيفكرنى بفيلم THE OTHERS لما طلعت فى الاخر نيكول كيدمن اللى خايفه من العفاريت..

هى اللى عقريته و شبح و مش واخده بالها و كانت محتاجه جد يقولها...

يا ترى انت بقى محتاج حد يقولك


ولا هتقول ان الناس هى اللى وحشه و اندال .. و صحييييح... خيرا تعمل شرق الدلتا يا جدع