الاكلير(éclaire) بالكريم باتسيرى على الطريقة الفرنسية
المقادير:
جرام زبدة
150 جرام دقيق
4 بيضات
رشة ملح
فانيليا
الطريقة
نضع الزبدة مع 1\4 لتر ماء وسنة ملح على النار
لحد ما تدوب الزبدة خالص
نرفعها من على النار ونضيف الدقيق ونقلب بمعلقة خشب
وبعدين نرجعها على النار تانى لحد ما تمسك فى بعض وملتزقش فى الحلة
نرفعها من على النار ونسيبها تبرد
نضيف البيض واحدة واحدة وبعد كل واحدة نقلب كويس لحد ما تختفى
نضيف الفانيليا وتسيبها ترتاح شوية
نجهز ورق البليسية مكنش عندى فالجيش بيقولك اتصرف هههههههه
جبت ورق زبدة وعملتة انا ورق بليسية هههههههههه
اة ميضرش بردة
ودهنتة زبدة
نجيب بقى العجينة نحطها فى قرطاس او فى كيس قوى
ونقطة بالمقص من تحت فتحة بطول سم
ونبتدى نحط على الورق اللى معمول بطول 7 سم تقريبا
ونعمل حساب انة بينفش
نجيب صفار بيضة ونزود معلقة صغيرة مية ورشة فانيليا
وندهن الوجة وندخلة الفرن الساخن على 225
لمدة 20 دقيقة تقريبا
نطلعة نفتحة من النص ونرجعة تانى الفرن وهو مطفى يهدى بقى مع نفسة
فى الوقت دة نحضر الكريم باتسيرى
1\2 لتر لبن يعنى كوبايتين
75 جرام سكر
50 جرام دقيق
بيضة كاملة
وتلت صفار بيض
وفانيليا
الطريقة
نقلبهم كلهم على البارد وبعدين نرفعها على النار
لحد ما تتقل وتبقى جاهزة للحشو
بعد ما يجهز الاكلير هنطلعة من الفرن
ونحشية بالكريم باتسيرى زى الساندويتش
للتغطية ممكن نعمل اى صوص شوكولا
ممكن ندوب شوكولا على حمام بخار ويبقى لوحدة
وممكن نعمل صوص الشاتوة زى ما عملت بس نتقلة شوية
لانة طلع خفيف منى والكاكاو كان خلص
ودة الشكل النهائى
