{عشق البنات}}جريئه جدا ورمنسيه للغاية**

السلام عليكم ورحمة الله وبركاته

****{{عشق البنات}}**** جريئه جدا ورمنسيه للغاية**

اليوم جبت لكم روايه جديده
وإنشاءالله تعجبكم بس
أسفه كتبت لكم ثلاث بارتات لأنها
طويله وأسفه إذا قطعت الحماس حقكم ولاتزعلوا


قصه من عالم مليء بالحب والكبرياء والغموض وكثير من الحقد والانتقام ولكن تبقى الطيبه والصداقه والتضحيه والوفاء هي المسيطره على اجواء هؤلاء البنات اللآتي رغم تلك الظروف الا انهن بقن اسره واحده.....
(الجزء الاول)
في الجامعه الساعه:  الظهر البنات مجتمعات
جنى{بصوت عالي}:اوف راجو ليه تأخرت ياغبي
راجو:مدام الهام في روح عزيمه انا واجد مشغول
جنى:وانا شدخلني لازم تجي
راجو:مدام انا اسف كلم بابا خالد
جنى وبعصبيه :اوكي
{جنى متوسطه الطول عمرها  سنه بيضا ملامحها طفوليه ضحكتها جذابه قصة شعرها فراوله قصير وهو اسود جسمها مايل لرشاقه ووجهها مليان وهي حبوبه وطيبه وهي الثالثه في الترتيب بين اخوانها تموت على افلام الرعب وغصب البنات يتفرجون معها }
جنى تناظر فالبنات وهي معصبه:بنات ماعندنا احد يجيبنا شنسوي
سمو:وهالحيوان ليه مايجي {سمو طولها نفس جنى بس هي انحف من جنى وبيضا شعرها اسود حرير لنص ظهرها وتتميز بأن عيونها ناعسه وكبار وفمها صغير عمرهاسنه ملسونه جريئه ماتحسب لاي احد حساب وهي اخر العنقود وتصير لجنى بنت عمها عبدالله
بس فيها طيبة قلب محد يدري فيها الا اللي يعاشرها وصعب احد يكسب محبتها واذاحبت شخص تحبه بجنون والعكس اذ كرهت عاشت فتره من حياتها في لندن بحكم شغل ابوها تحب الرياضه وخاصة كرة القدم ومتعصبه للفريق الهلالي موت}
البنات يناظرون بعض ويتأففون
ريما وبنعومه:طيب شراح نسوي ترى احس اني خيست فهالجو{ريما عمرها سنه طولها نفس جنى وسمو تميل ملامحها الى الجمال الاوروبي بس شعرها بني بيضاء مليانه شوي فمها صغير وتميزها غمازتها اللي فخدها طيبةالقلب وناعمه وحساسه تحب الروايات والاشعار يعني عايشه فعالم ثاني وتموت على ولد عمها خالد اخو جنى بس محد يدري عنها}
جنى:الله يعينا، وتناظر لسمو
سمو:اكيد بننتظر لين يحنون علينا ويشتاقولنا والظاهر انهم ناسينا
ندى:نعم! شمعنى كلامك انامااقدر اتحمل لازم نتصل على احد{ندى عمرهاسنه طويله رشيقه جسمها روعه عيونها ناعسه وحده من عيونها فيها كسر بس محليتها زياده شعرها إلين كتوفها لونه بني وهي بيضا فيها بحة صوت تهبل طيبه حبوبه تحب الرياضه وتمارسها بشكل يومي وللمعلوميه ندى تصير اخت جنى من الرضاعه }
وردت عليها وجدان: ياربي عاد راجو مالقى غير هاليوم عشان يسحب علينا{وجدان طويله فطول ندى بس انحف شوي منها عمرهاسنه عيونها كبار جميله بمعنى الكلمه شعرها اسود قصير دايما يشبهونها بعارضات الازياء خاصة فالمشيه تموت على اللون الاسود وهي اكبر اخوانها }
وفي هالدقايق اللي كانوا البنات قاعدين يحاولون في احد من اخوانهم يجي ياخذهم دق جوال جنى
جنى وهي سكت البنات:ألو هلا خالي شخبارك
ياسر:هلا جنى وينك ليه تأخرتي
جنى: ليه؟ لاتقول انك فالرياض
ياسر: لاوبعد فالبيت إلا ماقلتيلي انتي فالجامعه
جنى:ايه، وإذا انت فاضي يعني اذاما أكلف عليك تقدر تجي تاخذني انا وبنات عمي لان السواق مشغول
ياسر: نعم! انا اجي اخذكم ليه اظن ماني مكلوف فيكم
جنى وبدلع:تكفى خالي وربي خيسنا فهالجو يالا خالو حبيبي انت وعمري وكل اهلي
ياسر:خلاص خلاص اصلا انا فطريقي لكم لان امك اتصلت علي وقالتلي يالا اذا وصلت راح اتصل عليك بس خليكم جاهزين اوكي
جنى:اوكي باي ..بنات ..خالي ياسر راح يجينا يالا فلوها{ياسر عمره سنه ظابط يشتغل في الشرقيه وساكن عند اخته الهام وزوجها راشد يصير ولد عمه وهو يتيم واللي رباه عمه ابو راشد وكل اربعاء يكون محضر فالرياض ويرجع يوم الجمعه وهو وسيم مرره طويل عيونه مره خيال وحاده و صاحب نظرات قويه وماينافسه فالوسامه الا مشعل اخو جنى في نفس عمره شخصيته روعه أخلاق ومايدري عن اسراره الا جنى لانه يعزها حيل لما يكون معصب محد يقدر يتكلم معاه }
وصل ياسر وركبوا البنات وكانت سمو اخر وحده فلما ركبت كانت معصبه
سمو بعصبيه وهي تكلم بصوت شوي مسموع:أوف وش ذا الزحمه ياربي وبعدين في ريحة دخان! جنى لايكون خالك يدخن!!
جنى ارتبكت وناظرت خالها اللي عصب:شفيك ياسمو الله يهديك احمدي ربك
سمو:نعم حبيبتي..وقاطعها ياسر والعصبيه واضحه عليه:
اذا موعاجبك انزلي ع الاقل تخففين شوي
سمو ماتوقعت نهائيا ان ياسر يكون رده عليها كذا زعلت ونزلت وضربت الباب بقوه مشت السياره وتركوا سمو لوحدها لان محد يقدر يتحدى ياسر وياسر ولا اهتم فيها
في الجامعه سمو تتصل ع اخوها عبدالعزيز
سمو:ألو هلا عزوز
عبدالعزيز:هلا سمو شفيك
سمو:لا بس بغيتك تجي تاخذني من الجامعه
عبدالعزيز: انا مشغول شوفي محمد انا توني طالع من عنده كان جالس ع التلفزيون
سمو:اووه وبعدين يعني انت مشغول وذاك الخبل تلقاه يتابع مباراة يالا راح اتصل عليه باي
{عبدالعزيز اخو سمو اكبر واحد عمره سنه ويساعد ابوه فالشركه طويل وجسمه حلو رياضي شعره كثيف اسود ناعم عيونه واسعه ويتميز ان في عينه اليمنى ضربه خفيفه طيب واصدقائه الروح بالروح ياسر ومشعل ولد عمه راشد و ماجد ولد عمته اللي فالامارات وهودرس سنتين فالامارات وبعدين رجع لسعوديه}
سمو:الو حموده ابيك تجي تاخذني للبيت
محمد:اقول بلا هبال ماني فاضي قاعد اتابع التلفزيون
سمو:افا اقولك انا في الجامعه وتقول تلفزيون
محمد:سمو وربي ماني رايق وش تبين؟
سمو:شنو وش تبين اقول تعال خذني من الجامعه
محمد :لا ماني جاي دبري نفسك
ويقفل محمد الخط
سمو بعصبيه:الله ياخذ عمرك ..استغفر الله...الحين وش اسوي ياربي{محمد الاخ الثاني لسمو وهو عكس عبدالعزيز فكل شي عمره سنه توه فالجامعه شاب مستهتر ماترك ولا بنت فالرياض الا وكلمها وياخذ من اخوه فالملامح بس هو على ادق طويل فنفس طول عزوز}

(في سياره ياسر )
جنى: ايوه هذا بيت عمي صالح ( ابو بندر) ياالله ياست ندى
ندى:امرك ياعمتي هههه
جنى: اقول لايكثر
ندى كانت بتنزل وتذكرت شي:اقول جنى الحين مين بيجيب سمو من الجامعه
جنى:اي والله ياعمري الحين وش تسوي
ياسر: تستاهل الملسونه على بالها اني سواق عندها
ندى:امانه ياسر لا تتكلم عليها كذا
ياسر: ندى وصلنا بيتكم
ندى:افهم انهاطرده
ياسر:انت وذكائك ههه
ندى:هين يايسور
ندي تنزل من السياره (ياسر يصير خال ندى من الرضاعه)
جنى وتتصل على سمو
سمو بصوت تعبان:هلا
جنى: خير سمو وش فيه صوتك
سمو:مافيني شي
جنى: وينك الحين
سمو بعصبيه: انا في لندن!تستهبلين يعني وين بكون اكيد فالجامعه إلا انتو وين؟
جنى:تو نزلنا البنات وانتي للحين محد راح ياخذك {وتناظر في ياسر}ياسر في كامل هدوئه
سمو:لاللحين بس باتصل فعزوز يجي يالا باي
جنى وهي تقفل جوالها وتناظر لياسر وكلها رجا انه يوافق يرجع وياخذون سمو
جنى:خالو تكفى سمو للحين فالجامعه اخوانها مشغولين اشرايك نروح ناخذها حرام وبعدين هي ماتقصد الله يخليك
ياسروبهدوء: اسف خليها تتأدب
جنى: عشان خاطري وربي مسكينه هي دايما كذا وانا متأكده انها ماتقصد..هاه شقلت
ياسر وبابتسامه: والله عشان خاطرك برجع وانا كم عندي جنى ، بس شوفي هذي اخر مره تركب فسيارتي اوكيه وانا اعرف كيف اربيها
جنى وهي مصدومه: شلون؟! ماسمعتك.. كيف يعني بتربيها؟ اقول والله لوتسمعك لتكسر سيارتك وانت معها
ياسر وبغرور: اقول لاتخليني اغير رايي
جنى: لالا الله يخليك بس ابي اتصل عليها واخليها تتجهز
ولما وصلوا للجامعه اتصلت جنى على سمو وطلعت ولما ركبت السيارة جت وراء جنى ياسر يناظرها بطرف عينه
ياسر: وعليكم السلام
سمو وهي تضغط على اسنانها: سلام
جنى: هلا وعليكم السلام
ياسر: اقول جنى وين بيت ابوعبدالعزيز
جنى: بيتهم في نفس حي عمي خالد (ابو احمد)
سمو( بصوت واطي): يتمنن وحتى البيت مايعرفه
ياسر: اقول جنى ترى ماني اصمخ
جنى وهي تمسك ضحكتها: خير خالي فيك شي
وصلوا لبيت عبدالله ابو سمو
جنى: خلاص هذا البيت
سمو كانت بتنزل لكن ياسر تكلم
ياسر: حتى شكرا ماتعرفها صدق قليله ذوق
سمو :نعم كني سمعت قليله ذوق منو قليل الذوق
ياسربستهزاء: انا
سمو:ايه طيب. شكرا ياقليل الذوق
ونزلت بسرعه صوت ضحكه مسموعه وعالي
ياسر بعصبيه:وقحه هذي ماتربت
جنى وهي تمسك ضحكتها: ماعليه هي دايما كذا محد يقدر عليها
ياسر: انا اعرف كيف اخليها تتعدل
جنى في نفسها:الله يعينك ياسمو والله الخال حطك في باله
في الطريق جوال ياسر دق وكان عند جنى
ياسر:جنى من الي يتصل
جنى وهي ترفع الجوال وتشوف الاسم:هذا ابو سعود
ياسروهو يكلم بالجوال: هلا والله بابوسعود ارحب ..ايه ..جيت اليوم ..ايه غايب..
ياسر وهو يحط الجوال على السبيكر ويحطه في مكان الشاحن
عبدالعزيز: والله وانا اقول الرياض اليوم منوره
ياسر: يانصاب ههه
عبدالعزيز:اقول انت وينك
ياسروهو يناظر جنى:انا الله يخلي بنت عمك مشغلتني سواق العايله
عبدالعزيز:هههه ايه هاذي تستاهل هاذي الغا ___
ياسر وهويقفل السبيكر وميت ضحك: الله ياخذك ههه
جنى وهي مرتبكه وهي سمعت كلمه عبدالعزيز
وقالت في نفسها( لازم اقول لشله اكيد راح ينصدمون)
ووصلوا للبيت وتغدوا وناموا
(الجزء الثاني)
وفي الليل الساعه صحت جنى واخذت كوب كافي وفي الغرفه تناظر لشكلها كانت لابسه بيجامه لون وردي وحاطه ربطه ورديه فشعرها وكانت سرحانه فجأة تذكرت الموقف اللي صار لها اليوم فالسيارة
جنى تكلم نفسها: لازم اتصل عليهم منها يتعشون عندي ومنها اقولهم السالفه واشوف رايهم
قامت بسرعه واخذت جوالها واتصلت على الشله
(في بيت ابو عبدالعزيز)
الكل طالع برا ماعدا سمو كانت نايمه في غرفتها ويرن تلفونها المره الاولى ماردت ورجع يرن مره ثانيه وردت بتعب
سمو:شتبين..حرام عليك
تقاطعها جنى:اقول خمس دقايق وانتي عندي... لك عندي مفاجأة تحبينها
سمو وهي تقوم بسرعه: والله اوكي انشاء الله
قامت وعلى طول وضت وصلت ولبست بيجامه كت حمرا برمودا ولبست عبايتها وطلعت شعرها برا العبايه ولفت الطرحه وطلعت مع السواق
(في بيت ابوبندر)
كالعاده ندى في هذا الوقت تكون في الصاله الرياضيه وكانت لابسه سبورت سماوي ورافعه شعرها فوق وقبل ماتبدأ قطع عليها اتصال جنى
ندى: اهلين
جنى:كيفك ندوش ابيك تجين الحين ضروري كل البنات عندي لايفوتك
ندى:خلاص بعد ساعه راح اكون عندكم
جنى وبعصبيه: اقول ترا ازعجتينا برياضتك درينا ان جسمك حلو خلاص عاد
ندى ميته ضحك:لا وربي ماكان قصدي بس
جنى: يالا عاد ترا عطيتك نص ساعه باي
ندى:الو.الو حسبي الله عليك
قعدت ندى في الصاله الرياضيه عشر دقايق وراحت خذت شاور سريع ولبست عبايتها ولفت طرحتها وطلعت
(في بيت ابو احمد)
كانت ريما في عالمها الخاص وتقرا رواية سالي وياسر وكانت على السرير ولابسه بنطلون اخضر طويل وتي شيرت ابيض ضيق وتلعب بخصله من شعرها فجأة دق جوالها ***
ريما:اهلين حبيبتي
جنى تقلد ريما(اهلين حبيبتي) بسرعه تعالي عندي موضوع يخصك ولا والعشا عندي لا تتأخرين
ريما وبنعومه: والله اوكي خمس دقايق وانا عندك
وعلى ماسكرت الخط يدق باب غرفتها
ريما:ادخل مفتوح
احمد: هاي وينك وبعدين ليه مطفيه الانوار (وقعد يشغل انوار الغرفه وجلس ع الكرسي)
احمد: شرايك نروح نتعشى برا كل البيت معزومين
ريما:بس سبقتك جنى
احمد مستغرب: كيف؟!
ريما:ههه شفيك جنى مسويه عزيمه للبنات وعزمتني
احمد:اوكي تبيني اوصلك
ريما: ياليت بس عشر دقايق اكون جاهزه
وقامت ولبست عبايتها
(احمد اخو ريما عمره سنه حبوب قلبه ابيض وهو اكبر اخوانه وريما اقرب شخص له واغلب وقته يكون مع خالد اخو جنى وهم قريبين من بعض وعشان كذا دائما ريما تاخذ اخبار خالد من احمد)
(في بيت ابو فراس)
وجدان جالسه تحت فالصاله تقرا مجله خاصه في الازياء ولابسه تنوره سودا قصيره مكسره فوق الركبه وعليه بنطلون اسود ضيق برمودا وبلوزه سودا كم حاير وفراس جالس ع الاب توب (فراس اخو وجدان عمره سنه فيه شبه من وجدان ابيض شعره اسود كثيف هادي وعالمه الخاص الكمبيوتر وكل سوالفه عن اجهزة الكمبيوتر والجوال )
هالمره جنى ارسلت رساله لوجدان وعلى طول فتحت الرساله وكانت مبسوطه لان في بالها طلعه وعزيمة جنى جت في وقتها طلعت فوق واخذت عبايتها وطلعت مع السواق
وصلو البنات وكانت جنى مجهزه كل شي وصلوا ندى وجدان في وقت واحد وطلعو لغرفه جنى ويدقون الباب بقوه
جنى: ادخل
ورجعوا يدقون الباب بقوه وجنى بعصبيه: وجع ادخل
ويدخلون بقوه وهم يصارخون:هااااااااااي
جنى كانت على السرير وقامت بسرعه وهي تضمهم جنى: ياالله مشتاقه لكم موت
ندى: والله انك نصابه توك اليوم شايفتنا
جنى:ياربي انتي ماتعرفين تجاملين
وصلت سمو ودخلت البيت (سمو ماتطيق العبايه والغطاء)نزلت طرحتها وحطتها على كتفها وقفت على المدخل تظبط شكلها وكانت عبايتها مفتوحه ويوم لفت لقت واحد كان يناظرها كان ياسر لابس ثوب وكاب اسود
سمو: خير في شي.. بعدين انت ليه واقف استح على دمك
ياسر :ليه انتي تعرفين الحيا لوتعرفيه كان مالبستي عبايتك كذا
سمو: اعرفه قبل لعرفك يا__
ياسر بعصبيته:كملي وربي لونطقتيها لتشوفين ياسر الثاني وإلا انتي خساره تكونين اخت عبدالعزيز وربي خساره(وبأستهزاء )
آه نسيت(ويضرب يده على جبهته ضربه خفيفه) نسيت انك كنتي عايشه بلندن هه
سمو وبغرور:زين انك داري
ياسر وهو يظبط الكاب الاسود:بس ترا انتي مو اول ولا اخر وحده تعيش بلندن ع ماأظن
سمو انقهرت ولما راحت بتطلع ع فوق تعمد ياسر يغني بصوت خيال
(إدواك عندي والاظلم دايم البادي) ورفع صوته عند مقطع (والله لوريك شي مابعد شفته) وارتفع الظغط عند سمو وطلعت فوق ياسر لما راحت مانزل نظراته ويتذكر شكلها ويقول في نفسه :جريئه بس حلوه
ودخلت ع البنات وسلمت
جنى:هلا وغلا
ندى:يالا جوجو قولي وش السالفه
سمو:اي سالفه
ندى:وهي ليه مجمعتنا لهادرجه انتي غبيه
سمو وبعصبيه:اووه لا من جد وش السالفه
وجدان:سمو شفيك حبيبتي صحصحي
جنى:لا ماراح اقول الا بوصول الآنسه ريما دق الباب عليهم وكانت ام جنى(اسمها إلهام مثقفه دكتوره بالجامعه راعية طلعات وسهرات وعلى قولتها توجب الناس ) سلمت ع البنات وقعدت معهم دقايق ع مايوصل باقي شلتها بيروحون لزواج كل هذا صار وريما كانت تو وصلت البيت ولما طلعت فوق قابلت خالد توه طالع من غرفته بيروح مع احمد اللي وصل ريما وبيروح هو وخالد يتعشون برا كان لابس جينز ازرق وقميص اسود ولما شافته ارتبكت
ريما وبحيا: السلام عليكم
خالد بتطنيش: هلا وعليكم السلام
ريما: خالد اخبارك
خالد يتأفف:تمام
ريما:خا_____
يقاطعها خالد وهو معصب:رجاء لاتحرجيني ولاتحرجين نفسك اخاف احد يشوفنا ويفهمنا غلط
مشى وتركها وهي مصدومه من اسلوبه
ريما:ليه ياخالد انا شذنبي اني حبيتك آه وربي قهر وراحت لغرفة جنى
(خالد اخو جنى الثاني عمره سنه وسيم وطويل ويتميز بشطبه فحاجبه شعره اسود ناعم شوي قصير طيب بس مغرور بوسامته يموت ع أمل بنت عمته فالكويت ومايفكر فغيرها) دخلت ريما ع البنات وكانت عمتها إلهام بتطلع سلمت عليها وطلعت جلست ريما ع المكتب وجدان مسترخيه على السرير وندى مايله بجسمها ع باب البلكونه وسمو جالسه على طاوله المكتب وجنى على السرير جالسه
ندى: يألله يا جنو قولي تراك رفعتي ضغطي
جنى: خلاص ابي اقولكم
وقالت جنى السالفه لبنات
البنات اختلفو في احتفالهم الي تصفر والي تصيح وجنى ميته من الخجل
ندى: ياعيني على الحب
سمو: لحظه لحظه الحين بتفهموني ان عبدالعزيزيحب وربي ماني مصدقه !!
جنى:وليه عبدالعزيز مو انسان يحب وينحب
وجدان: من الحين بدينا
جنى:اقول لايكثر
ويندق الباب
جنى:ادخل
إفلين: مدام عشا في جاهز
سمو:ههه من الحين مدام
ريما:يالا ترا بطني قايم فيه حرب
ضحكوا البنات ونزلوا وتعشوا
(في سيارة مشعل)
عبدالعزيز وراء وياسر قدام هو ومشعل
عبدالعزيز: اقول شباب ماكنا طولنا انا ميت من الجوع
مشعل:يااخي تحمل شوي الحين بنوصل
عبدالعزيز: مشعلوه تعرفني ماأتحمل الجوع
ياسر:الله يعينك اجل لو اخذت جنى وش تقول هههه
عبدالعزيزبتعجب:ليه!!
ياسر: ياحبيبي لن جنى اكره شي عندها هو الطبخ فهمت
عبدالعزيز: ماعليه بعدين اعودها لانها راح تطبخ علشاني اما الحين فاتفاهمو معها
ياسر:ياخي اكره فيك غرورك
الي مدري من وين جايبه
عبدالعزيز:اكيد موانا عبدالعزيزال..
مشعل: ياشيخ روح اجل حنا عيال البطه السودا؟!
وصلو الشباب للمطعم
البنات بعد العشاء ارجعوا الى الغرفه
وجدان: اقول سمو مين جابك اليوم من الجامعه؟
جنى:اكيد خالي العزيز
ريما:اقول بنات ماقلت لكم عن الروايه الجديده
وجدان: لا ..من البطل ..وكيف مواصفاته وش اسمه
ريما:بتنصدمون توقعون وش اسمه ؟
جنى: عبدالعزيز اكيد
ريما: لا تطمني
سمو:ياالله عاد
ريما: اسمه ياسر
سمو: وع من اسمه
جنى:لا عاد حدك هذا اسم الخال الغالي
سمو:امحق خال من زينه يوم دايما ترزينه
ريما:اقول الحق
جنى :قولي يأم الحق
ريما:والله انه ياخذ العقل
سمو: نعم!! اسمحيلي ياجنى والله عادي
وجدان: نعم !! اي عادي والله اليوم بفانيلته الرصاصيه والكاب الاسود عذاب
ريما: اقول سمو تصدقين اني احس انه بيصير اللي في باالي
سمو:ليه وش في بالك
ريما:انك راح تحبينه حب موطبيعي
سمو: اعوذ بالله الله لا يجيب اليوم الي احب فيه
جنى: ليه!!
سمو وهي تناظر ريما:لأن الحب مذله
ريما افهمت ان سمو كانت تقصدها..
كملوا البنات سهرتهم وبعدين تفرقو وكل راح لبيته
(في بيت ابواحمد)
دخلت ريما البيت وبكل هدوء تصعد لغرفتها وتدخل الغرفه
وترمي بنفسها على السرير وتشغل اغنيه دائما تحس انها توصف حالها...
يابعد هاالدنيا ليه
صاحبك تقسى عليه
الي اهدا لك حياته
وانت تتغلى عليه
لك حبيب يموت فيك
حس به الله يهديك
منشغل باله عليك
وانت مستكثر تجيه....
ونامت وهي تبكي
(في بيت ابوعبدالعزيز)
دخلت سمو البيت ولقت محمد قدامها
محمد:هلا والله بالغاليه سمو
سمو:اقول روح عني والله ماني فاضيه
محمد:والله انا اسف اليوم كانت مباراه ماقدرت اجيك
سمو:والله المباراه اهم مني
محمد:لا والله انتي اختي الغاليه الوحيده
سمو:ادري بس استهبل
محمد: ياغرورك
سمو ومحمد كملو سوالفهم في الصاله لين الصبح
(الصبح)
غرفه سمو
تدخل عليها امها (ام عبدالعزيز اسمها هدى مديره مدرسه شخصيتها قويه ولكن مدلعه سمو كثير)ام عبدالعزيز:يمه سمو اصحي يالله عشان تروحين الجامعه
سمو وهي تفتح عيونها :يمه امانه خليني انام
ام عبدالعزيز:لا يمه لازم تروحين
سمو: خلاص صحيت
تطلع ام عبدالعزيزمن الغرفه
سمو وهي تقوم بتكاسل وتاخذ شور ثم تصلي وتلبس تيور اسود ميد وبلوزه خضراء وعدسات خضراء وكحل اخضر و روج وردي طلعت لصاله وجلست على الطاوله وهي ميته نوم ومقابل لها محمد الي مثلها ميت نوم
سمو: ياربي متى تجي العطله
محمد: يارب وربي طفشنا
عبدالعزيز:احسن تستاهلون محد قالكم ماتنامون الا الساعهالصبح
سمو وهي تشهق : نعم !!اي ثلاث حنا نايمين بدري
عبدالعزيز:ياكذابه اصل باين في وجيهكم
نزل ابوعبدالعزيز و وقفت سمو :صباح الخير يبه
ابوعبدالعزيز: صباح النور يابنيتي
سمو:اقول من الي بيوصلني
عبدالعزيز:السواق ينتظرك برا
سمو:بس الي يوديني يجيبني علشان مايصير مثل امس
ام عبدالعزيز: خلاص السواق راح يجيبكم كلكم
سمو:اوكي باي
(الجزء الثالث)
(في الجامعه)
كانت ريما جالسه في الكفتريا ولابسه اسود وعليها نظارة سودا لانها كانت تعبانه من موقف خالد
شافتها وجدان وجت عندها كانت لابسه بلوزه ورديه وتيور اسود ميد
وجدان:صباحك عسل ياعسل
ريما بابتسامه:اهلين
وجدان:كيفك بعد امس إلا اقولك ماشفتي البنات
ريما:لا
وجدان كانت تتلفت وفجأة شافت شله بويات كانوا يناظرون فيها ويتبسمون لها
وجدان بارتباك:اقول شرايك نغير الكفتريا؟
وفجأة تطب عليها سمو:وليه نغيرها!
وجدان خافت:بسم الله انتي من وين طلعتي حسبي الله ع بليسك خوفتيني سمو وهي تسحب كرسي بتجلس
وليه خفتي لايكون انا شبح (وتغمز لوجدان) شفيهم الحبايب سرحانين
ريما:لا سرحانه ولاشي شايفتك بس قاعده اراقب الشله اللي جالسين هناك
سمو تتلفت تدورهم ووجدان تهاوشهم:بليز بنات لاتكبرون السالفه
سمو:اي سالفه؟ليه هم فيهم شي؟
ريما: اي من يوم جت وجدان وهم مسوين علينا رقابه الله يستر وربي ذا الاشكال ينخاف منهم
سمو:وليه انخاف منهم انا الحين انهي السالفه لكم
وجدان وهي تمسك يد سمو:تكفين سمو فكينا منهم هذولا معي فالقاعه لاتبينون انكم مهتمين فيهم
سمو تناظر فوجدان وعرفت انها خايفه من جد
سمو:طيب من متى وهم كذا؟
وجدان:من فترة بس انا ساحبه عليهم
ريما:أوه شوفوا ندى وجنى وصلوا
كانت ندى لابسه بلوزه حمرا وساعه حمرا وتيور اسود وجنى بلوزه سماويه وربطه في يدها سماويه وتيور اسود ميد وجلسوا مع باقي الشله قامت وجدان للمحاضره
جنى:وجدان سلمي عليهم ههه (وهي ميته ضحك) ووجدان ولامعبرتها تطنيش علا الاخر
سمو:عارفه السالفه وساكته
جنى:لانها بايخه ومالها داعي وبعدين وجدان خوافه تلقينهم متحدين بعض ومالقوا غيرها يوم شافوها خايفه زادو عليها
ندى: اي والله المفروض وجدان تطنشهم وماتبين خوفها
وقعدوا البنات يسولفون الين بدات محضراتهم واللي قام وإللي توه طالع من المحاضره
ومر اليوم كعادته
(في بيت ابوفراس)
الكل جالس فالصاله فراس ع اللاب توب ووجدان تتفرج ع قناةmbc‏ وامها تكلم وحده ع التلفون
الام: والله...ماأصدق...اوكيه بكرا نزورها انا وانتي وهدى شرايك...خلاص شوفيها ورديلي خبر...يالا اشوفك بكرا مع السلامه(العنود ام وجدان مشرفه اجتماعيه في نفس مدرسه هدى ام سمو )
وجدان: يمه شرايك نسافر في العطله ونروح عند ابوي وربي ملينا من القعده
وينط فراس:اي والله صادقه وجدان ترا ملينا وجو الرياض مايساعد تكفين مامي
وجدان: انتي عطي ابوي خبر وهو راح يجهز لنا كل شي هاه شقلتي
الام: تو الناس باقي ع العطله
فراس: اي تو الناس باقي شهر بس على مايجهز ابوي السفره
الام: بس عماتكم اللي فالكويت والامارات راح يجون يعني مستحيل
وجدان: يمدي نروح هم ماراح يجون إلا فأخر العطله
الام: لا حبيبتي راح يجون فبداية العطله تدرين انهم راح يبدون الاختبارات السبت هاذا
وجدان وفراس بعد مافقدوا الامل كل واحد رجع لمكانه (في بيت ابو مشعل)
الساعه  فاليل جنى طالعه من غرفتها بتروح لخالد في غرفته
خالد جالس في الغرفه ويتفرج ع فلم هندي انفتح الباب بس على خفيف وكانت جنى تبي تعرف وش يتابع وبدت تطلع راسها وتتلفت في الغرفه مالقت احد سمعت ان صوت فالحمام وعرفت انه خالد بسرعه دخلت وبدت تدور على سي دي لافلام الرعب بس خرب عليها صوت باب الحمام وطلعت بسرعه وبدون ماتحس ضربت في مشعل
مشعل: عميا انتي ماتشوفين
جنى وهي ميته خوف وغير كذا كانت مصدومه ماتوقعت ان مشعل يكون موجود فهالوقت
جنى:هاه...لا..ب..بس كنت مستعجله... اسفه
مشعل: وبعدين شتسوين فغرفة خالد؟
خالد لما سمع الصوت طلع
خالد:شفيكم
مشعل:مادري بس شكل جنى اخذه شي من عندك (وراح لغرفته)
(مشعل الاخ الاكبر لجنى عمره سنه موظف في شركة ابوه شاب جدي مايحب اللف والدوران دايم معصب وتخاف منه جنى ماينبسط إلامع ياسر وعبدالعزيزوماجد معهم يصير العكس وهو طويل و جذاب )
خالد وبعصبيه: وشو تعالي ويمسك يد جنى بقوه
وش كنتي تسوين؟انا موقايلك الف مرة لاتاخذين شي من اغراضي
جنى وهي تصيح:آآي عورتني فكني وأقولك اصلا مشعل مايدري
خالد بعد مافك يدها :هاه قولي شعندك خلصيني
جنى وهي تمسح على يدها : لابس انا كنت ادور على افلام رعب اذا موجوده ولما سمعتك طلعت من الحمام خفت وطلعت بس
خالد:ااه تبين تفهميني انك داخله ع شان افلام.
جنى: ايه
خالد: اوكي.. راح اجيبلك افلام رعب تطير النوم من عيونك بس على شرط
جنى: وشو هالشرط
خالد:اني اسمع صوت امل
جنى وهي فاتحه عيونها:كيف! أمل مين؟
خالد بضحكه:أمل بنت عمتي شفيك جنى نسيتيها؟!
جنى:مانسيت بس كيف؟
خالد:وشلون كيف وانتي تكلمينها تحطين على السبيكر عادي
جنى:لا والله! آسفه
خالد وهو يشد شعر جنى:كيف؟ وربي لتندمين ياجنى لو ماسويتها
جنى:خالد انت عارف وش تقول
خالدوهو يترك شعر جنى ويجلس على السرير: والله ياجنى ان قصدي شريف وانتي عارفه اني معجب بها من زمان
جنى وهي تجلس جنبه:بس ياخالد امل ابد ماتصلحلك
خالدبعصبيه:ليه !سامعه عنها شي
جنى:لا ياخالد والله ماسمعت عنها الا كل الخير
بس انا قصدي انك انت وامل مختلفين مره
خالد: يوه ياجنى هذا عادي حتى امي وابوي مختلفين
جنى: صادق بس امي وابوي في شي يجمعهم هو انهم من نفس البيئه اما انت وامل البيئه مختلفه
خالد وهو يناظر في الارض :طلبتك ياجنى
جنى بعد ماحست باالانكسار في كلامه: خلاص يابو وليد تامر امر
خالد وهو طاير من الفرحه :فديتك وربي يااحلى اخت في الدنيا
جنى تاخذ جوالها وتدق على امل وهو على السبيكرولكن امل ماردت
ويندق الباب
خالد:ادخل
افلين: بابا خالد مدام الهام يبغى انت
خالد: اوكي خلاص انا جاي
قام خالد وهو عند الباب
خالد: خمس دقايق واجي اوكي جنى
جنى:اوكي
ويطلع خالد وتروح جنى لغرفتها تدخل الغرفه وتشغل الاضواء الحمراء وترمي بنفسها على السرير
و تكلم نفسها :وربي انك ماعرفت تختار ولا احد يترك ريما ويختار امول
وتتذكر السالفه وتفكر معقوله انا اخذ عبدالعزيز ياربي والله مو معقوله وفجاه تجي رساله على جوالها من خالد مكتوب فيها
(امانه ياجنى اذ كلمت امل ناديني)
جنى:حمد لله على العقل متوقع انها بتدق هذي قعيطيه ماتدق باالسنه الا مره
(في بيت ابو بندر)
ندى هي وبندر ودانه في الصاله
ندى:اقول بندر وش رايك نلعب كوره الجو برا خيال
بندر:انتي صاحيه الحين!!
ندى: تكفى والله الجو خيال
بندر: خلاص بس انتي الحارس
ندى:بس ! امرك ياكابتن
دانه :امانه ندى ابي العب معكم
(دانه اخت ندى عمرها سنه جميله متعلقه في ندى كثير ودائما تقلدها في كل شي حتى في لبسها )
ندى:اكيد ياعمري
دانه تقوم تبوس ندى
دانه:اموت فيك ياندو
بندر : ياالله الجو مليان دراما وش هاالمسلسل البايخ
(بندر عمره  سنه جذاب بس هادي دائما مع محمد اخو سمو بس شخصيته مختلفه جدا عن محمد يكره حركات الشباب ودائما ينقد على حركاته بس محمد مطنشه بس يعزه موت)
ندى:اقول لوتسكت احسن
بندر: قد الكلمه ياندو
ندى: لا لا وربي خلاص اسفه
بندر:ايه كذا تعدلي
دانه:ياالله انا انتظركم برا
ندى: ياالله اروح ابدل واجيكم
بندر: ياالله خمس دقايق والله مافيه لعب
ندى:اوكي خلاص
وتطلع ندى لغرفتها وتلبس سبورت رياضي اسود وتنزل من الدرج بسرعه وتمر امها الي كانت طالعه من المطبخ (ام ندى اسمها عبير دكتوره و ست بيت تعشق الطبخ محترمه حبوبه )
ام بندر: اسم الله ندوش وش فيك
ندى وهي توقف عند الباب:سلامتك ياحلو بس بنروح نلعب كوره
ام بندر:كوره!!حمد الله متى يابنيتي متى بتعقلين وتتركين حركات الهبال وتتعلمين طبخه اوثنتين تنفعك
ندى: يألله يمه خليه بعدين الحين انا مشغوله باي
وتطلع ندى من البيت وهي تركض وتلقي بندر ينتظرها في المزراعه الخلفيه للبيت
بندر: شاطره ياالله نبدا
ندى:اوكي
ويبد العب وبندر يسحب في ندى ودانه وهم يظنون انهم يلعبون وهم الكوره حتى مامسكوها
(في بيت ابو عبدالعزيز)
ابو عبدالعزيز: اقول ياهدى متى تبينا نخطب جنى
ام عبدالعزيز:والله الشور شورك ياعبدالله متى ماتبى حنا جاهزين
ابو عبدالعزيز: انا اقول ننتظر لين يجون خواتي ام ماجد وام جراح
ام عبدالعزيز:شورك وهدايه الله
عبدالعزيز وسمو ومحمد يتفرجون في مباراه عبدالعزيزلابس بنطلون جينز رصاصي وفانيله صفراء جالس على الكرسي محمد لابس بنطلون جينز اسود وفانيله سوداء جالس على الارض هو وسمو لابسه بنطلون جينز ازرق وبلوزه سوداء طويله فوق الركبه ومنقهرين من عبدالعزيز
سمو:يارب ان نفوز يارب
محمد:انشاء الله تكفا يابو سعيد سجل
عبدالعزيز:اقول ريحوا اعماركم خسرانين خسرانين واذا فزتوا فزتوا بمساعده لاعبكم ابو فنيله سودا
محمد:ياناس ياكثر الغيره منقهرين يحسبون مثلهم اخر مره فازوا كان عام
سمو وهي ميته ضحك:حلوه موت ،لاتصدق اخر مشجع لهم مات بسبب انهيار عصبي
وتمد يدها لمحمد ويدق لها
عبدالعزيز:حمدلله على العقل وربي انك ولد مو بنت، وين الانوثه ؟
سمو وهي تغمز:تاركتها لناس
عبدالعزيز:اعوذ بالله انتي مافيه شي يتخبى عنك
سمو:انا سمو موحيا الله
ودق جوال عبدالعزيز
عبدالعزيز:حياالله ابو عبدالرحمن...ايه..انشاء الله مايفوزون ..علشان ناس عندي
سمو ولاعلى بالها كان كل تفكيرها بالمباراه
عبدالعزيز طلع من الصاله عن الازعاج
سمو:الحمد لله مابغينا نجيبه سمو وهي تلفت في الصاله: اقول وينه عزيز
محمد:برا يمكن عند ابوي
سمو وهي تقوم :ابي اروح اقهره
سمو طلعت من الصاله وهي تدور عبدالعزيز ولقته على درج مدخل البيت جالس ومعطيها ظهره
سمو وهي تمشي بخفيف الى ان وصلت عنده
سمو وهي تصارخ: هدف هدف
عبدالعزيز قام خايف:سموه الله ياخذ عمرك
سمو:اقول لاتصرف ترانا سجلنا هدف
وكل هذا وياسر كان على الخط
عبدالعزيزتذكر ان ياسر على الخط واشر لسمو انها تسكت سمو حطت يدها على فمها وافهمت انه يكلم واحد
عبدالعزيزيكلم ياسر:السموحه ياياسر
سمو انصدمت لما سمعت اسم ياسر وراحت تركض
ياسر:مسموح يابو سعود
من هو المشجع الهلالي المتعصب اكيد محمد
عبدالعزيز: لا والله وانت الصادق هذي سمو
ياسر بستغرب:سمو!!
عبدالعزيز:مالومك لانك ماتعرف سمو سمو ياطويل العمر اكبر مشجع هلالي في الوسط الرياضي
ياسر يسرح بفكاره ويفكر في سمو اللي كان يسمع عنها بس عمره ماحس بهذا الشعور تجاها والا انجذب لبنت الا هي علشان شخصيتها مختلفه كثير ويقطع افكاره صوت عبدالعزيز
عبدالعزيز:يابو الشباب وين رحت
ياسر:معك
عبدالعزيز:اقول وش رايك الليله نطلع البرالجو روعه
ياسر:ماعندي مانع
عبدالعزير:اجل انا بجهزكل شي وامرك
ياسر:ياالله اناانتظرك لاتتاخر
عبدالعزيز:لايكثر..كلم مشعل علشان يجهز
ياسر:فاامان الله
وقفل ياسر الجوال وجلس على الكرسي المقابل لي الدريشه وهو يفكر في سمو ويتذكر كل شي كلامها ضحكتها وحتى عيونها الي من ذاك الموقف مانساها
وندق الباب
ياسر:مين
مشعل فتح الباب:انا ياياسر
ياسرمستغرب:الله مشعل متى جاك الادب
مشعل جلس جنب ياسر:ياخي قلت اصير اليوم محترم بس الظاهر مو لايق علي
ياسر:ياخي افهم، الاحترام يتعب نفسيتك هههه
مشعل:ههه بايخه موت
ياسر:اسمع ترى عبدالعزيز
بيمرنا علشان نطلع للبر
مشعل: ياحليله النسيب والله انه لزقه
ياسر:ههه والله اني مو مصدق عبدالعزيز يتزوج لا ومن جنى
مشعل:اي والله بس هذاحال الدنيا وانشاء الله عقبالك
ياسر:بدري تو الناس
مشعل مستغرب: اول مره تقول بدري العاده تقول انك ماتبي تتزوج وش ها التطور اكيد في شي وش تكلم ياخالي العزيز
ياسر وهو مرتبك :لا مافيه شي بس خلاص انا اقتنعت ان الواحد مايقدر يعيش وحيد
مشعل:الحمد لله اخيرا
(في بيت ابو عبدالعزيز)
عبدالعزيز بعد ماقفل من عند ياسر راح لمطبخ
عبدالعزيز:ساندي جهزي قهوه وشاهي وحطيها في سياراة مال انا ..اوكي
ساندي:اوكي بابا
طلع عبدالعزيز من المطبخ ولقى سمو ومحمد على حالهم سوالف الى الصبح
وطلع عبدالعزيز وبدل ملابسه ونزل ولقى الشغاله مجهزه الاغراض في السياره وروح لبيت ابو مشعل ومروا ع المطعم واخذوا لهم عشاء