{عشق البنات}}جريئه جدا ورمنسيه للغاية 2

{{عشق البنات}}**** جريئه جدا ورمنسيه للغاية***



(الجزء الرابع)
(في البر الساعه ):الليل
الشباب جالسين يتقهون
عبدالعزيز:هاه شرايكم فالطلعه هذي
مشعل:تصدق ياعزوز لازم نطلع بين فترة والثانيه ياخي ملل
عبدالعزيز:والله انك صادق إلا ماقلتلكم!
مشعل:شفيك؟ شوف لاتستهبل وربي لو ___يقاطعه عزوز وهو يأشر ع ياسر
عبدالعزيز وهو ياناظر لياسر :شفيه الاخو وين سرحت
مشعل:اخاف انه يفكر فهل الشرقيه
عبدالعزيز:اوه اجل في ناس فالشرقيه ماخذين عقله وتفكيره
ياسر:اوف وبعدين يعني الواحد ماعاد يقعد مع نفسه ويفكر على راحته
مشعل ناظر لعبدالعزيز:لا مادام السالفه كذا اجل نسكت مو احسن
وجلسوا يضحكون ع ياسر وبعدين قالهم عبدالعزيز عن سالفة خطبته لجنى مشعل ميت ضحك:الله ماني مصدق جنى تتزوج
ياسر:ههه ياحليلها يعني لازم نعلمها الطبخ
مشعل: انا راح اشتريلها كتاب طبخ ههه
عبدالعزيز:لا والله تضحكون عليها وانا جالس اشوفكم بكره من بتاخذون
مشعل:لاتعليق هههه
ياسر:______هههه
وكملوا سهرتهم
(الجزء الخامس)
بعد اسبوعين من هذي الاحداث بدات فتره الاختبارات والكل مشغول
(بعد اسبوع من انتهاء الاختبارات طلعت النتائج)
الساعهالصبح
في بيت ابو بندر ندى قامت الصبح وراحت تجيب النتائج لبنات
ندى في الجامعه عند لوحه النتائج وتجي لها وحده من بنات القاعه
عبير:صباح الخير ندى
ندى:صباح النور كيفك وش اخبارك
عبير:تمام مبروك النجاح
ندى وهي تصارخ:امانه
عبير:والله
ندى:والبنات
عبير :والله ياندى مثل كل سنه الكل ناجح ماعدا...
ندى:لاتقولينها سمو مانجحت
عبير:والله ياندى هذا الحقيقه
ندى اخذ جوالها وكلم البنات كلهم ماعدا سمو الي كانت في سابع نومه والكل طاير من الفرح بس تنكدوا لما عرفوا ان سمو حامله مواد
ندى تكلم وجدان:والله مادري كيف اخبرها
وجدان: من عقلك تتكلمين
والله سمو ماحسبت حساب
ندى:متاكده
وجدان:اكيد ليش انتي ماشفتي كيف تذاكر
ندى:وانتي كيف شفتيها ؟سمو طول الوقت مع عبير
وجدان:الا شفتها كنت اروح اسلم عليه والله ياندى انها كانت تذاكر صفحه وتحذف عشر واذ سالتها قالت احس انه ماله داعي
ندى:مدام كذا اجل اكلمها وارجع اكلمك
وجدان:باااي
ندى:باي
ندى ارجعت تدق على سمو الي كانت نايمه لما دق جلست علي السرير مقابله التلفزيون الي شغال من امس
سمو وهي ميته نوم:نعم ..وش تبين؟
ندى:وش ابي !!ابي اعلمك بسواد وجهك
سمو:الله لايجيب سواد الوجه
ندى:متاكده ياهانم!! انتي حامله مواد
سمو :ماترد
ندى وهي ميته خوف:سمو وش فيك الله يهديك عادي كل البنات يحملون مواد ،سمو وين رحتي؟
سمو:ياهبله انتي وش فيك؟ انا كنت اطالع مشهد في التلفزيون ..الحين داقه الصبح علشان تقوليلي اني حامله مواد حمد لله على العقل اصلن انا داريه من اول اختبار
ندى: الله ياخذك ياشيخه خرعتيني
سمو:ها في شي ثاني بتقولينه؟
ندى:ليه!!ليكون بترجعين تنامين
سمو:لا طار النوم من عيني انا ابي اروح افطر
ندى:اجل اكلمك بعدين بااي سمو: بااي
وقامت سمو من السريرو ( لابسه بيجامه بيضاء وفيها دباديب زرقاء )وهي شبه صاحيه راحت لحمام وتوضت وصلت و ونزلت تحت في الدرج قابلت امها
ام عبدالعزيز: ها يمه بشري عساك نجحتي
سمو وهي تدخل يديها في شعرها ونظراتها على الارض :ها وش؟
ام عبدالعزيز:اقول نجحتي ولا مثل كل سنه
سمو: لا والله ياهدى خيرها في غيرها وبعدين نستفيد ناخذ معلومات ولابعد نثبتها احسن
ام عبدالعزيز:ياربي انتي متى بتعقلين
سمو: بعدين ماماتي انا الحين باروح افطر لاني ميته جوع
وراحت تركض بسرعه علشان ماتسمع رد امها
ودخلت الصاله ولقت محمد فيها
سمو: ها حماده بشر
محمد: ابشرك ثلاث
سمو جلست على الكرسي :اجل انا وياك جبنا العيد
محمد ميت ضحك: اي والله صادقه
سمو:الله يعينا على الفيلسوف عزوز والله ليعطينا محاضرات لليل
محمد: والله انك صادقه وبعدين محاضرته وحده هي عن( اهميه التعليم للفرد ومايعوده ع المجتمع بفائده)
سمووهي ميته ضحك :وبعدين مايضيع ولا كلمه
قامت سمو هي ومحمد لطاوله الطعام وهم نازلين تعليق في بعض دخل ابو عبدالعزيز وهو ينادي :هدى
سمو:يبه امي فوق خير تبي شي
ابو عبدالعزيز:لا بس قولي لامك انكم تجهزون اغراضكم علشان بكره بنروح مزرعه جدك
سمو وهي ميته من الفرح: امانه يبه
ابوعبدالعزيز: ايه يابنيتي يألله روحي جهزي اغراضك
سمو:طيران___إلا يبه ماسألتنا نجحنا و __ويقاطعها ابوها وهومعطيها ظهره:داري مايحتاج حاملين مواد
وراحت سمو ودخلت الصاله
سمو:حماده تجهز للنجاحه
محمد:وشهو من اللي نجح
سمو:انا وانت
محمد:نعم
سمو:ياخي الناس تنجح وماتلقى نجاحه وحنا راسبين وتجينا نجايح.ياالله بروح اجهز
وراحت ركض لغرفتها وهي فرحانه وطلعت شنطه السفر وقامت تحط كل شي سواء تحتاجه او ماتحتاجه
وعلى طول كلمت البنات والكل تجهز
(الجزء السادس)
الساعه: صباحا.
في الطريق لمزراعه الكل مشى في وقت واحد ابو عبدالعزيز هو وابوبندر في سياره ومعهم ام عبدالعزيز وام بندر ويسوق فيهم عبدالعزيز مرة ومرة بندر
اما في سياره محمد هو وسمو اللي كانوا مهبلين في الدنيا ومشغلين اغنية راشد الماجد (تطلبوني شي)
اما في سياره مشعل هو وياسر وجنى وندى الي كانوا في اجواء هاديه ويسلفون بكل رواقه
اما ابو فراس فهو وعائلته
وابواحمد هو وعايلته
في الطريق وقفوا الكل علشان يفطرون في الطريق
ابو عبدالعزيز نزل من السياره:ماشاء الله الجو زين
اليوم
ابو بندر: والله انك صادق ياخوي
ابو عبدالعزيز:ياام عبدالعزيز جهزوا الفطور
ام عبدالعزيز:انشاء الله
عبدالعزيز:بس يبه محمد ماجاء
ابو عبدالعزيز: ماراح يوصل الحين هو الله يهديه ماترك محطه الا وقف عندها
ياسر وهو يكلم عبدالعزيز:اقول كلم اخوك شفه وينه
عبدالعزيز: تلقاه في الطريق وبعد دقايق وصل محمد وهو قمه السرعه ووقف ونزلت سمو وهي ميته من الضحك
محمد:ياويلنا ياسمو والله ليلعن اشكالنا ابوي
سمو:والله انا مالي دخل
محمد:افا ياخاينه
سمو:ههه اقول باااي
محمد وهو رايح للرجال:باااي
واكتملت تجهيزات الفطور
وكانت وجدان ميته من النوم
وتسند ظهرها على سياره مشعل بدون ماتدري
مشعل وهو يقترب منها يظن انها ندى وصرخ بصوت عالي:ندووووش اصحي
وجدان من الخوف طاحت على الارض
ومشعل عرف ان هذي مو ندى ووجدان قامت من على الارض وهي في قمه الخجل مشعل راح بدون مايتكلم ولا بكلمه
(عند الرجال)
عبدالعزيز ومشعل وياسر راحوا عندالسيارات
عبدالعزيز وهو ياشرعلى ياسر ويكلم مشعل:اقول مشعلوه خالك وش فيه
مشعل:والله لاتسالني من يوم جانا وهو كذا
ياسر سارح بافكاره في سمو وكان يطالع سياره محمد ويتذكر نزلتها من السياره
عبدالعزيز:اقول يابو الشباب وين سرحت
ياسر بعد مانتبه:وانت كل ماسرحت تدخل عرض وقعد يقلد عبدالعزيز(اقول يابو الشباب وين سرحت)هههه ويموت من الضحك
عبدالعزيز:لا ياشيخ شفت وجهك وانت تستهبل ابد مو لايق
مشعل:والله انك صادق
ياسر: شكلي معطيكم وجه اقوم احسلي من مقابل وجيهكم
وراح ياسر عند الرجال ولحقه مشعل وعبدالعزيز
وبعد ساعه مشوا متجهين للمزرعه
(في المزرعه)
كانت المزرعه لجد العايله وكل اجازه يروحون لها ويجون عماتهم اللي فالكويت والامارات وكانت المزرعه مهيئه من ناحية الخدم والسواقين وغير كذا كان لكل عايله فيلا ولها حديقه خاصه وبين كل فيلا وفيلا سور من الاشجار وكان فيها ملعب كرة قدم ومسابح يعني كانت المزرعه خيال وفخمه وساكن فيها جدهم وجدتهم (جدهم صالح ابو راشد صاحب شركات انسان محترم وله هيبته يحب النظام متزوج ام راشد نوره انسانه طيبه حكيمه لها مكانه خاصه عند زوجها تموت ع مشعل بحكم انه اول حفيد لهم )
وصلت العوايل الساعهالصبح وبدت تدخل السيارات من بوابة المزرعه وكانوا الخدم مجهزين كل شي للعايله من تنظيف الفلل وتجهيزها من كل النواحي
نزلت العوايل وسلموا على جدانهم وراحوا يرتاحون لان عماتهم اليوم ماشين وراح يوصلون المغرب وفي الليل راح يكون فيه عشا كبير للعوايل اللي جايه
في العصر صحت سمو ووضت وصلت واخذت شاور ولبست ثوب قصير فوق الركبه لونه اصفر وفيه حزام اسود ومن تحت بنطلون للركبه لونه اسود وظبطت شكلها ونزلت بس مالقت احد
سمو:ساندي وين ماما
ساندي:ماما في بيت كبير
سمو: اوكي سويلي عصير
وجلست تطالع فتلفزيون
في غرفة وجدان كانت لابسه قميص نوم قصير لونه موف فاتح ومتحضنه المخده وتفكر في مشعل وتكلم نفسها:
(واي ياحلاته وربي حلو آه كل مابغيت انام اتذكر شكله يفز قلبي مشعل لا لا اممم بس شكله رسمي معقوله يكون خفيف دم (وتشد شعرها على خفيف) وتقعد تضحك بصوت خفيف اكلم سمو اقولها اللي صار
اخذت جوالها واتصل على سمو
سمو:هلا والله بالوجد
وجدان: هلا فيك
سمو:وجدان وش فيه صوتك
وجدان:مافيني شي بس صار شي اليوم والله لتموتين ضحك
سمو:وشهو تكلمي
وجدان قالت لسمو الموقف سمووهي ميته ضحك:اما شكلك تحفه
وجدان:تضحكين يامال كسر السنون
سمو:والله انا مستغربه!! مشعل باين عليه انه رسمي
وجدان:ايو وانا قلت مثلك
سمو وجدان كملو ا مكلمتهم
وكله تعليق علي الموقف
في غرفة جنى كانت نايمه بعمق دخل خالد وقعد يشغل الانوار
خالد وبصوت عالي :جنى قووووووومي بسسسررررعه بوريك شي
جنى فزت من مكانها وهي خايفه:هاه شفيك صاير شي
خالد بابتسامه:شرايك فيني
جنى باستهزاء:الله والله تهبل بصراحه ماكنت متوقعه ان الثوب والغتره عليك تهبل الله يحفظك حصن نفسك لاحد يعطيك عين
خالد بغرور:اصلا انا داري اني حلو بس تدرين ماحب اغطي عليكم
جنى:لاولله
خالد: اقول تتوقعين عمتي نوف وبناتها راح يسكنون عندنا
جنى: لا!بيجلسون عند جدي وجدتي
خالد:وامل؟
جنى: شفيها
خالد:بتسكن عندنا
جنى:مادري يمكن
خالد:تكفين جنى حاولي فيها
جنى:أوف اوكي بعدين نتكلم فهالموضوع
خالد:لاتنسين طيب شرايك تتصلين عليها الحين وتسألينها وين وصلوا
جنى:خلاص خالد هي كم من ساعه ونشوفهم ماله داعي اتصالي (دخل مشعل عليهم)
مشعل:اوه وش عندك كاشخ
خالد: شرايك فيني اجنن صح
مشعل:صح بس مو احلى مني
جنى:الله على اخواني فيهم غرور بشكل غير طبيعي
وطلعوا من عند جنى وراحو كلهم في فيلا الجد وقامت جنى واخذت شاور سريع وصلت ولبست بنطلون
جينز وبلوزه تركواز كت
وجلست على النت تدردش مع ريما وصديقاتها
اما ندى هل الوقت كانت في حديقة بيتهم تتمشى
(الجزء السابع)
الساعه في الليل وصلوا عماتهم وعلى طول راحوا لبيت جدهم في مجلس الرجال
الجد:الله حيهم
ام جراح:الله يبقيك يبه__ شخبارك
الجد:طيب ونشكر ربنا
ام جراح:تعال يمه جراح سلم ع جدك وناد خواتك خلهم يدخلون ترا ماكو احد
دخل جراح ومعه خواته ثنتين (جراح ولد نوف عمره سنه شاب مستهتر صايع كل همه البنات)
مشاعل:شلونك يدي شخبارك
الجد:الحمد لله وانتي كيفك
مشاعل:الحمد لله
(مشاعل  سنه فتاة كل همها الموضه والازياء بس حلوة ويزيد حلواتها الميك آب اللي تحطه ماهره في هذا الشي)
أمل: شلونك يدي
الجد:هلا امولتي كيفك
امل:تمام
(املسنه بنت مصلحجيه عايشه فعالم من الحقد عكس اختها بس هي اللي تمشي اختها تموت ع خالد وعشان كذا دائما تحاول تتقرب من جنى )
ام جراح: اقول يمه جراح خذ خواتك وطلعوا ارتاحوا
جراح: امرك يمه
وراح جراح وبقت مشاعل وامل
امل:يمه انا بروح بيت خالي راشد
ام جراح:ليه يمه
مشاعل:ماكو شي بس مشتاقين لجنى وايد
ام جراح:انزين بس لاتطولون
مشاعل وامل طايرات من الفرحه وراحو ركض لبيت خالهم
وندق الجرس وفتحت افلين الباب
امل: افلين وين ماما جنى
افلين :ماما جنى فوق
مشاعل:روحي ناديها
وراحو البنات وجلسوا في الصاله امل نزلت عبايتها وغطاتها
مشاعل وهي مرتبكه: املوه ويعه لبسي عباتج
امل:ماكو احد
مشاعل: شنو ماكو احد وعيال خالي وين راحو
ولا انتي تبين حبيب قلبك يشوفك
في غرفه جنى كانت جنى تظبط الميك اب وندق الباب
افلين: مدام جنى مدام مشاعل ومدام امل يبغي انتي تحت
جنى وهي منصدمه وتكلم نفسها(ياحول هذولا وش جابهم الله لا يحيهم انزل واطلعلهم قبل لايجي العاشق الولهان ويشوفهم):اوكي
ونزلت جنى وهي تبتسم بكل ثقه
جنى:هلا والله بنات العمه
مشاعل وامل:هلا فيج
جنى وهي تناظرفي امل بستهزاء:امل ماشاء الله والله البدله مطلعه جسمك موت
امل فهمت كلام جنى: والله الجو حر وايد وقلت اكيد ماكو احد لانا شفنا مشعل في بيت يدي واكيد خالد هناك
جنى: افا عليك ياامل نسيتي الخال
امل وهي تناظر في مشاعل:هاو واحنا نقدر ننساه
(مشاعل معجبه في ياسربس مقتنعه ان زواجها منه مستحيل)
راحو البنات بيت جدهم لان عمتهم ام ماجد وصلت هي وبناتها
البنات كانوا مجتمعين في غرفة الجلوس الكل كانوا مبسوطين الشله كانوا جالسين جنب بعض ونازلين تعليق في باقي البنات وكان جوال جنى مع ريما وتنقل منها مقاطع وطاحت على رساله خالد ومانصدمت لانها كانت حاسه ان فيه وحده في حياة خالد بس ماتوقعت امل
ريما وهي تكتم عبرتها:جنى شنو هذي
جنى: يوه اشوا ان الي طاح عليها انتي مو امل
وقالت جنى السالفه لي ريما الي كانت تكتم عبرتها
ام راشد:يمه سمو قومي شوفي القهوه جاهزه وان كانت جاهزه دقي على واحدا من اخوانك يجي ياخذها
سمو:تامرين ياالغاليه
ام راشد:ربي يوفقك ويرزقك ابن الحلال الي يسعدك
سمو وهي ترفع يدها لسماء:امين ..يسمع منك ربنا
ام جراح: والله مستعجله على الزواج
امل : اكيد يمه تبي تستانس
سمو وهي واقفه:الحمد لله مستانسه في بيت اهلي
راحت سمو للمطبخ وكانت لابسه فستان احمر قصير مره
ام راشد بصوت واطي:يمه هدى لاتخلين بنتك تلبس كذا
هدى:والله ياعمه اني احاول فيها بس انتي تعرفينها عنيده
ام ماجدكانت قاصده ترفع صوتها: والله يايمه انج صادقه فديتج
ام عبدالعزيزوهي منحرجه بس ماتبي توضح:والله يام ماجد انتي تعرفين الشباب هذا لبسهم
صار الجو في الجلسه مكهرب
في المطبخ دخلت سمو ولقت القهوة جاهزه واتصلت على عبدالعزيز علشان يجي ياخذها وراحت للصاله لما دخلت لقت الكل ساكتين وجلست جنب جنى
سموبصوت واطي:جوجو وش فيه الجو
جنى: من فعايلك
سمو:انا!! وش سويت
جنى:علشان لبسك قامت حرب بين عمتي هدى وعمتي فاطمه
وقالت جنى لسمو السالفه
ويدق جوال سمو
سمو وهي مبتسمه:امانه جنى تكفين شوفي القهوه
جنى:اوكي
وراحت جنى للمطبخ وعلى ماهي تذوق القهوه ولفت بتطلع لقت عبدالعزيز في وجهها وماكان فيه الا باب واحد وعبدالعزيز كان واقف يناظر جنى ومبتسم
عبدالعزيز:هلا جنى كيفك
جنى وهي في قمة الاحراج:تمام
عبدالعزيز:وربي انك قمر
وعرف عبدالعزيز انهاخايفه
وطلع وراحت تركض من الارتباك وعبدالعزيز ميت ضحك ودخلت الصاله وهي ميته من الخوف سمو بصوت عالي :هههه وش رايك في المقلب
جنى ضربت سمو في راسها
ام راشد:يمه جنى وش فيه وجهك
سمو :ماعليه جدتي بس انا مادريت وقلت لجنى تروح تشوف وطلع عبدالعزيز في وجهها
ام راشد:ماعليه يمه كلها شهرين وتكونين في وجهه دايما
جنى انحرجت من الكلام وراحت للمطبخ
اما ام ماجد انصدمت:شو يمه وشو بعد شهرين ليه في شي
ام راشد:لايمه بس ابو عبدالعزيز خطب جنى اليوم الصبح وقلنا ماراح نسوي الملكه الا بحضوركم
ام ماجد وهي في قمه غضبها :الحمد لله انكم ذكرتوني
بشايروهي مو مستوعبه الكلام قامت وطلعت فوق وبعد شوي لحقتها اختها سلوى(بشاير بنت ام ماجد سنه انسانه حقوده ماتحب الا نفسها وتحاول ترضي جدتها بالبس المحتشم عشان المدح وكانت حاطه فبالها عبدالعزيز وسلوى اختها الكبيرة سنه نفس اختها في كل شي)
في الغرفه بشاير تبكي وسلوى تحاول تهديها
بشاير:آه ياسلوى راح مني عبدالعزيز شسوي
سلوى:انتي قومي نسير تحت وبعدين يحلها الف حلال
بشاير:والله ماخليها تهنى فيه هين ياجنى
سلوى:اوكي قومي مسحي دموعج والليله نقعد انا وانتي نفكر شبنسوي يالا ياعمري والله دموعج غاليه علي
وتقوم بشاير بتغسل دخلت عليهم سمو ومسويه نفسها مصدومه:اوه بنت عمتي تبكي ليه شفيك
بشاير:لا ولا شي
سلوى:مافي داعي تطلعين فوق ياسمو احنا خمس دقايق ونازلين
سمو انقهرت من رد سلوى:والله ياحبيبتي انا كنت بروح للغرفه بس سمعت صوت بشاير تبكي خفت تكون تبكي لان عزوز راح يتزوج جنى بس الظاهر السالفه اقوى من كذا اوكي اخليكم
بشاير كانت تبي ترد ع سمو بس اختها سكتتها عشان ماتوضح انهم مهتمين فالسالفه
نزلت سمو وهي ميته ضحك وتجلس جنب جنى
سمو:ههه شكلهم ناوين عليك
جنى وهي خايفه:مين
سمو:سلوى وبشاير انصدموا يوم دروا ان عزوز بيتزوجك
جنى:اولا اسمه عبدالعزيز مو عزوز ثانيا احسن خليهم وربي لحرهم
سمو:اوه كل هذا حب طيب شرايك فيه يوم شفتيه فالمطبخ
جنى:آه يهبل عذاب اصلا قعدت اسولف معاه
سمو وهي مصدومه من جراءة جنى:لاماصدق
جنى:وازيدك من الشعر بيت قلتله احبك انت قمر
سمو ماصدقت جنى وتقول في نفسها لازم اسأل عزوز
جلسوا البنات لين جا العشا وتعشوا ورجعوا يكملون سهرتهم
عند الرجال بعد العشا
الجد وعياله متجمعين وسوالف عن الاسهم وشركاتهم والمناقصات
اما الشباب فكانوا منقسمين ياسر ومشعل وعبد العزيز
وماجد(ماجد ولد عمتهم فاطمه عمره سنه شاب خلوق وجماله جمال اماراتي موظف في شركة ابوه) مع بعض ونازلين تعليق في عبدالعزيز ومعهم خالد واحمد وبندر
ومحمد وجراح مع بعض يتكلمون في البنات والارقام
ياسر:شباب ترى مابقى على عرس عزيز الاشهرين
مشعل مسوي نفسه مذيع:اخوي عبدالعزيز ماهو شعورك وانت باقي شهرين وتدخل القفص الذهبي
عبدالعزيز:والله ياخوي مشعل شعور اي انسان كلها شهرين بيعش مع توام روحه في بيت واحد لا وكل يوم راح يشوفها والله ماني مصدق
ويقعد عبدالعزيز يصارخ:ياررررب متى ههه
الشباب جلسو ا يسلفون في الزواج وتجهيزاته