{عشق البنات}} جريئه جدا ورمنسيه للغاية3

(الجزء الثامن)
الساعه  صباحا
بعد ماانتهت السهره
البنات عطوا اهلهم خبر انهم راح ينامون عند جدتهم الكل راح ماعدا الشله الخمس البنات في الغرفه ريما جالسه علي الكرسي وسمو وجدان على سرير واحد وندى وجنى على السرير
سمو وهي تقوم من السرير: يوه بنات انا ماعرف انام الا ببجامه
جنى:وانا بعد مثلك
سمو :اجل انا بروح لبيتنا ابدل وارجع
جنى:امانه سمو مري بيتنا انا راح اكلم افيلين اتجهزها لك عند الباب الخلفي للفيلا
سمو :اوكي بااي
وراحت سمو لبيتهم وبدلت ملابسها ولبست بيجامه صفرا وراحت لبيت عمها راشد
ياسر شاف افيلين واقفه على الباب وعرف السالفه وخلاها تروح وهو جلس ينتظرها
سمو لما وصلت راحت تنادي بصوت واطي :افلين افلين
طلع ياسر في وجها:هلا والله
سمو انصدمت:خير انت وش تسوي هنا
ياسر: انتظرك
سمو راحت تعدل عبايتها وغطاها
ياسر: تصدقين انك كل يوم تحلوين بس مو احلى من حبيبتي
سمو انصدمت من الكلمه:خير وانا وش دخلني رجا عطني الكيس ابي اروح
ياسر:دخلك انك تعرفينها
وعطا ياسر الكيس لسمو وراح وراحت معه روح سمو الي لاول مره تحس انها ضعيفه
سمو وهي تكلم نفسها: انا ليش انقهرت لما قالي ان له حبيبه اكيد علشانه قارني فيها اخ بس لو اني سالته بس انا اوريك ياسر الجمال على اصوله
ورجعت سمو لبنات الي كانوا في قمه الوناسه الي تلعب بلاستيشن والي يسولف عن الاناقه
ندى:سكوت بنات وش رايكم نلعب لعبه
الكل:يااالله
ندى:العبه اسمها لعبه الصراحه
وشرحت للبنات طريقتها وبدت اللعبه وطاح الاختيار على وجدان
ندى: وجدان شخص تهدين له قلبك
وجدان وهي في قمه الاحراج:هاه
سمو:اقول عنك
ندى:لا خليها تقول
وجدان: مشعل
الكل استغرب الا سمو لانها عارفه السالفه وقالت لهم وجدان السالفه
جنى: ياعيني وكل هذا وساكته باذن الله راح تكوني انتي زوجة اخوي
وجدان:جنو حمدلله
وكانت اللعبه تدور علي هالنمط وكانت من نتايجها
ان البنات عرفوا ليه ريما دايما سرحانه وحزينه
ريما قالت للبنات كل شي صد خالد وكلامه الجاف معه
وانهارت عند البنات الي كان الدمع مالي عيونهم من حال ريما
جنى:ريما حبيبتي وربي مافيه احد يستاهل دموعك حتى لو انه اخوي
سمو:ريما عمري انتي وربي ليعرف قيمتك اذ اخذ القعيطيه امولوه مالت على وجها الي كانه كراسه رسم كله الوان
ريما تضحك ضحكه خفيفه:حسبي الله على بليسك ياسمو
وكملوا البنات سهرتهم
(الجزء التاسع)
الصبح الساعه 
الكل نايم ماعدا ندى الي متعوده الوقت هذا وقت رياضه ولبست بيجامه موجوده مع جنى و انزلت تحت في الصاله الرياضيه(الصاله الرياضيه موجود بس في فيله الجد علشان معه السكري ولازم يستمر على الرياضه)
اما في مجلس الرجال الخارجي الكل نايم الا ماجد هو ومشعل
ماجد:ياخي والله مشتاق للرياضه
مشعل:الله واكبر الا يسمعك يقول شهر ماسويتها مو يومين
ماجد:الحين وين احصل نوادي رياضيه فاتحه هل الحزه
مشعل:كثر منها نوادي هنا
ماجد: والحين شو اسوي
مشعل:مالك الا صاله جدي الرياضيه
ماجد:والله يبتها انا بسير فيله يدي تسير وياي
مشعل:ياشيخ روح قال رياضه قال
راح ماجد الصاله الرياضيه وقبل مايدخلها سمع صوت الاجهزه وفجاه صوت وحده تتالم ودخل لقى بنت طايحه على الارض وماسكه رجلها ومعطيه الباب ظهرها وراح ركض وجلس عندها
ماجد: شو بلاج
ندى مو مركزه من الي يتكلم لان الام كان فضيع والصاله في السرداب صعب احد يسمعه
ندى:اه اه
ماجد ماعرف وش يسوي راح على طول وشالها من الارض كانت ندى بين ايدينه بس موحاسه باالدنيا وحطها في الصاله الداخليه وهو عاجز عن التفكير وسالها: انتي منو
ندى:انا ندى
لما قالت له ندى ارتاح لانه عارف ان مشعل اخو ندى من الرضاعه وراح واتصل على مشعل وقال له السالفه وجاء مشعل واخذ ندى لمستشفى وطلع عندها كسر بسيط في الساق
في سياره مشعل
مشعل:ندى انتي وش كنتي تسوين في الصاله
ندى: كنت اسوي رياضه
مشعل:وكيف انكسرتي
ندى: كنت على السير وفجاه زلقت رجلي وطحت
مشعل:يعني انتي انكسرتي في الصاله
ندى بطيب نيه:ايه
مشعل:وشلون رحتي لصاله
ندى فهمت قصد مشعل وماتت من الحيا
وبعد دقايق وصلوا البيت ودخل مشعل ندى بيتهم بمساعده بندر وعرفوا كل العايله السالفه ولكن الكل كان يعتقد ان مشعل هو الا ساعد ندى ومايعرف الحقيقه الا الثلاثه ماقالت لبنات السالفه والكل راحوا بيت ابو بندر يتحمدون لندى على السلامه هذي الاحداث كانت يوم الثلاثاء تمت ملكه عبدالعزيز وجنى الي كانت رافضه انها تطلع لعبدالعزيز
(الجزء العاشر)
كانت سمو جالسه عند جدتها الساعه المغرب لان بيتهم مليان ناس جاين يهنون فاكانت طول الوقت عند جدتها
ام راشد: يمه سمو روحي المطبخ خلي الشغاله تجيب القهوه
سمو:تامرين ياالغاليه
وراحت سمو لمطبخ وكانت في قمه جمالها واناقتها ولابسه فستان على شكل ساري ومسويه مكياج هندي وطالعه مثل القمر لان يمكن احد يجي من المهنين
دخلت المطبخ تجهز القهوه
دخل ياسر وقف منذهل بجمالها
ياسر:احم احم
سمو ارتبكت لما سمعت صوت ياسر
ياسر:قلت لك كل يوم تحلوين
سمو بدلع:شكرا عيونك الحو___
ياسر:انطقيها تكفين ترى من زمان محد قالي كلام حلو
سمو حطت يدينها علي خصرها:وحبيبتك وين وراحت
ياسر :حبيبتي من زمان ماكلمتها
سمو حست ان الوضع غلط خصوصا ان هذا مطبخ الجد يعني اي احد يدخله
كانت بتطلع بس حست انه لازم تساله سوال علشان تسترجع غرورها بعد ماانهز بمقارنتها مع حبيبته وعند الباب التفت في ياسر :ياسر الحين احلى مين انا ولا حبيبتك
ياسر:وهذي فيها سوال اكيد انتي لان وبكل بساطه حبيبتي وانتي وحده كيف اقدر احط مقارنه بين شي واحد
سمو وقفت وهي مصدومه
ياسر: سمو انا احبك ومتاكد انك تبادلين نفس الشعور بس يمكن ماعرفتي كيف
تعبرين حتى لنفسك
وراح ياسر وسمو واقفه مكانها بعدين استوعبت اللي صار ورحت لغرفتها وقبل ماتدخل غرفتها سمعت صوت من غرفة محمد وسمعته يكلم وحده ودخلت عليه فجأة وارتبك لما شافها وقفل الخط
سمو:انت مين كنت تكلم؟
محمد:واحد من الربع
سمو:واحد ولا وحده محمد انا سمو مو امي علشان تكذب عليها
محمد وهو منزل نظراته للارض :والله ياسمو هذي وحده عطاني رقمها واحد من الشباب
سمو وهي تناظر فيه:وانت تكلم عادي انت ترضا اني اكلم واحد وبعدين عطني رقم هذي البنت علشان اعلمها طريق الصح وين
سمو تاخذ جوال محمد وتقراء الرقم وانصدمت لانها رقم امل وحاولت تخفي صدمتها
محمد:سمو اوعدك انها راح تكون اخر مره
سمو وهي واقف على الباب :محمد ابيك تذكر ها الكلام (كما تدين تدان) وراحت سمو وكلمتها باقيه في عقل محمد
وبعد فتره اجتمعوا العايله وكان الكل منشغل وسمو جنب امل
سموبصوت واطي:اقول امل وش اخبار اخوي محمد
امل وهي منصدمه:وانا شكو اخوج ولا اخوي
سمو:لان اللي جالسه تكلمينه وعايشه معه قصه حب هو اخوي محمد
امل :اي واحد واي قصه حب
سمو:مالومك من كثرهم ماعاد صرتي تميزين
وسمو قامت وراحت لمغاسل قاصده علشان تلحقها امل ونجحت خطة سمو ولحقتها امل
سمو:في شي امل
امل: ماكو بس بغيت اعرف منو يعرف بسالفه غيرج
سمو:محد يعرفها بس اذ حبيتي راح اطلع الحين واقولهم واذ ماحبيتي خلينا نتفاهم
امل:خلينا نتفاهم
سمو:اوكي كذا حلو نبدا بدون لف ودوران اللي ابيه هو انك تبتعدين عن خالد
امل:بس ياسمو انا احب خالد
سمو:اللي يحب مايخون هذا اللي يحب مع ان اشك انك تحبين بس اذ كان كذا اوكي اطلع واقول لي ام حبيب القلب واخته
امل بعد ماحست بخوف:اوكي
ضحكت سمو ضحكة الانتصار وطلعت امل مانزلت نظراتها امل في نفسها(والله ياسمو اني ماانساها لك انا كنت كاره بس اللحين وايد) (الجزء الحادي عشر) طلعت امل من غرفة جنى وصادفت خالد
خالد: صباح الخير
امل بوجه عابس:صباح النور
كانت امل بتروح بس خالد
تكلم:امل وش فيك
امل: مافيني شي بس خالد ارجوك ابتعد عني انت عندي مثل اخوي جراح
وراحت امل ووقف خالد منصدم وراح خالد وبقى الموقف ماثر فيه بس فتره وعدت وبعدها كره امل وكره غيرها
اما امل فدبرت مصيبه وحطتها على راس سمو
امل تكلم واحد : وهذا المطلوب منك فهمت
يوسف: اكيد فهمت
امل: ياالله عيد اللي قلت لك
يوسف: امرك..ادق على الرقم اللي عطيتنياه وازعجها واذ سالتني مين عطاني الرقم اقول وحده اسمها سمو واذ بغيت تتاكد ترسلين انت من جوالك الثاني الصور ومعها رقمها
امل: فديت الفاهم
يوسف: اندور رضاكم
بدات خطه امل تتنفذ يوسف صار يزعج شوق اخت ياسر(شوق اخت ياسر من امه بس عايشه مع ابوها وزوجته اللي مثل الام الثانيه لها وعياله كلهم صغار وتشبه ياسر كثير )
شوق بعد الازعاج ردت عليه: انت وش تبي
يوسف: وش ابي ابي سلامتك ياشوق
شوق: انت كيف تعرف اسمي
يوسف :واعرف اسم ابوك وامك لو تبين ياشوق بنت عبدالرحمن ال___
شوق من الصدمه قفلت الجوال في وجه وكانت ميته من الخوف وكلمت ياسر وقالت له على السالفه وعصب واخذ الرقم ودق على الرقم ورد
يوسف :وانت وش دخلك وش تقربلك شوق
ياسر: مالك شغل وقلي من عطاك الرقم
يوسف :والله ياخوي عطتني الرقم وحده اسمها سمو
ياسر وهي منصدم:وش سمو وانت كيف تعرف سمو
يوسف: مالك دخل
ياسر:ياحقير ان كنت صادق عطني الحين رقمها
يوسف:اوكي لا وبعد ومدعوم بصور بس من رقمي الثاني
ياسر حس ان الدنيا تدور فيه وكاتم عبرته:اوكي انا انتظر بس شوف والله اللي رفع سبع ونزل سبع ان دقيت على الرقم مره ثانيه والله لتندم فهمت
وبعد دقايق جات صور لسمو على جوال ياسر مع رقمها
ياسر انصدم بس تمالك نفسه وكان يكلم نفسه(وربي انك حقيره ياسمو ولا تستاهلين ان الواحد يفكر فيك تربية الغرب اكيد وسخه مالومك اخت محمد بس والله اني اعرف كيف اربيها)
(الجزء الثانيه عشر)
(بعد مرور اسبوع)
كان الكل منشغل جنى تحضر لزواجها وريما اشغلت نفسها في هوايتها المميزه
وهي تصميم مواقع شعريه على النت اما وجدان فكانت منشغله في اختيارثوب العرس اما ندى كانت تعيش قصه حب هي وماجد وكان مشعل هو مرسول الحب
اما سمو كانت عايشه في عالم مافيه الا هي وياسر
وسمو كانت رسامه مبدعه وكانت راسمه رسمه لياسر فيها كل تفاصيل وجه
(بعد شهرين من هذي الاحداث)
*{زواج عبدالعزيز وجنى}*
يوم الخميس الساعه الظهر (حال العروس)
جنى في غرفتها وكانت تفكر وهي ميته من الخوف ويندق باب غرفتها
جنى:ادخل
كانت ندى هي وخالد يغنون ويصفقون
خالد: صح النوم ياعروس
جنى اعتدلت وجلست على السرير: صح بدنك
ندى وهي تقرب من وجه جنى :اقول خويلد ماتشوف وجها اليوم فيه شي
جنى وهي تقوم عند المرايه :ندى وش فيه
ندى:بس احس انه محلو
خالد: لو داري كان من زمان زوجنها
وقامت جنى تضرب المخاد في وجيهم وقام انواع التهريج في الغرفه
(حال المعرس)
عبدالعزيز كان عند الحلاق هو وياسر ومشعل
عبدالعزيز:شباب كم الساعه؟
مشعل:تو الناس لهادرجه مستعجل
ياسر:وبتمل منها (ودقون لبعض وهم ميتين ضحك ع شكل عزوز)
عبدالعزيز:اوف كل هذي غيره
ياسر:الساعه
(الساعه  مساء) وصلوا الكوفيرات لبيت ابو مشعل وبدو يجهزون العروس وكانوا البنات كلهم موجودات الا سمو اللي كانت في القاعه من العصر
جنى:امانه وجدان كيف مكياجي
وجدان:وربي موت تصدقين طالعه قمر
جنى:امانه والله
ندى:ياشيخه والله انك اليوم نجمه
كانت جنى حاطه مكياج وردي وراحت تلبس الفستان وكانت قمه في الجمال وراحت تتجهز نفسيا
اما عند الرجال
كان عبدالعزيز في غايه الوسامه
عبدالعزيز: شباب والله اني ميت من الخوف
ياسر:ياشيخ اثبت ولا تفضحنا
مشعل:يجيك يوم ياياسر ونشوفك تثبت ولا لا
ياسر:وش اللي يخوف كل اللي بتشوفه جنو
عبدالعزيز: لا تغلط ولا والله لدوس في حوض بطنك
ياسر:يامتوحش والله ليوصلها
الكل مات من الضحك
(الساعه  مساء)
الحريم كانوا في القاعه وكان البنات قمه في الجمال سمو لابسه ثوب موف بس كان شوي عاري وريما فستان سكري قصير ومجعده شعرها ووجدان فستان سماوي طويل ومسويه بف فشعرها اماندى لبست فستان فوشي طويل بحزام فضي
ودخل المعرس وابوه واخوان جنى مشعل وخالد وراحوا للكوشه وجلس عبدالعزيز وطفت الانوار واشتغلت اغنيه عبدالمجيد عبدالله
ياارض احفظي ماعليك حبيب قلبي حضر
اليوم طالع قمر في طلتك ياسلام ونزلت جنى من الدرج
وكانت جنى منزله نظراتها وجنبها امها وندى اللي كانت تظغط على يدها وتهديها
وصلت جنى للكوشه واستقبلها عبدالعزيزعطاها على جبهتها قبله ورفعت جنى عيونها وطاحت بعيونه ! وكان مبتسم
وسلمت على ابوها واخوانها وراحوا وبقوا البنات متغطيات وكانت سمو قريبه من العروسين
وسمعت خالد وهو يكلم عبدالعزيز ويقول :ان ياسر ينتظرك برا وحالف محد يوديك لفندق الا هو
وقامت سمو بسرعه
ريما :وين رايحه
سمو:دقايق وارجع
وراحت سمو لفوق ودخلت الغرفه واخذت من شنطتها ورقه وراحت ركض لما وصلت لباب القاعه طالعت في الممر وكان مافيه الا ياسر اللي معطي الباب ظهره وطلعت له:هاي اكيد تنتظرني
ياسر :خير في شي
سمو:سلامتك بس حبيت اعطيك شي
وقربت سمو من ياسر بدون ماتنتبه لنظرات الاحتقار في عيونه
ياسر:انتي ليش واقفه وبعدين من تكونين علشان تتكلمين معي كذا
سمو واقفه:اكون حبيبة قلبك
ياسر:حبيبة قلبي !!ومين قالك
سمو كانت تظن ان ياسر يمزح وعطت ياسر الورقه وكانت رسمه لياسر فتح ياسر الورقه وشاف الرسمه وشق الورقه ورماها في وجه سمو وسمو كانت منهاره
سمو:ياسر ليه سويت كذا
بصوت منكسر:ياسر انا احبك
ياسر:بس انا ما احبك انا ما اطيق شوفتك تدرين ليه لانك وسخه وقذره وانتي و__ والله حتى انا الرجال استحي اقولها
طاحت سمو على الارض بس تماسكت ورفعت نفسها وراحت بس التفتت وقال كلام قعد يتردد في بال ياسر
سمو:جرحت قلبي ياياسر بس تاكد سمو اذ انجرحت ماتسامح
وراحت وهي منهاره ودخلت القاعه وكانت ماهي مع الناس
راح عبدالعزيز وجنى لفندق وصلهم ياسر الا كان يتصنع البسمه
ودخل عبدالعزيز هو وجنى الجناح وجلست على السرير وجلس عبدالعزيزعلى الكرسي المقابل للسرير
وجلس يتامل في جنى
عبدالعزيز:والله قد قالوا لي انك قمر بس والله انهم ظلموك وين انتي وين القمر
رفعت جنى عيونها وجلست تناظر فيه
عبدالعزيز: يمه لا تاكلين خليني اكمل
ماتت جنى من الضحك وقام وجلس جنبها وحط يدينها في يدينه رفعت جنى نظراتها وكان وجهه قريب منها
عبدالعزيز:الله يخليلي ها الوجه والله لايحرمني منه
جنى حست بامان وجلسوا يسلفون وراح عبدالعزيز يطلب العشاء وقامت جنى وغيرت ملابسها ولبست قميص نوم ابيض وعليه وشاح من الدانتيل مليان كرستالات صغيره
(الجزء الثالث عشر)
في بيت ابوعبدالعزيز الكل كان راجع تعبان سمو كانت في حاله صعبه طلعت غرفتها ورمت نفسها على السرير وهي منهاره وتبكي ويدق جوالها مره وثنتين وهي مانتبهت له كان كل تفكيرها في الموقف اللي صار اليوم قامت واخذ تدور في مكتبها الا ان حصلت كراسه كلها رسومات لياسر اخذت تقطعها بشكل هستيري
(انت ماتستاهل لحظه اقضيها وانا افكر فيك حقير حقير)وبدت في نوبه بكاء قوي ولكن المره هذي كانت على الارض بدون ماتحس بعمرها نامت على الارض وجنبها رسوماتها مقطعه
( في الصبح )
في فيلة ابو بندر ريما صحت وكانت ميته من التعب
واخذت شاور سريع وصلت وبعد ما افطرت
ريما: يمه انا بروح لبيت عمي عبدالله
ام احمد: وليه يمه في شي
ريما : لا بس حبيت اودعهم قبل مانروح
ام احمد: روحي بس لا تتاخرين لانا بنمشي الساعه خلاص
ريما: اوكي باااي
وراحت ريما بيت سمو
ودخلت البيت ولقت ام عبدالعزيز
ريما:صباح الخير خالتي
ام عبدالعزيز: صباح النور يا بنيتي
ريما:خالتي سمو صحت
ام عبدالعزيز:لاوالله يابنيتي
ريما:اوكي انا راح اصحيها
وراحت ريما لغرفة سمو ودقت الباب ومحد رد وفتحت ولقت سمو نايمه على الارض وبملابس العرس وراحت ريما وهي ميته من الخوف :سمو حبيبتي وش فيك
سمو وهي تفتح عينها بصعوبه :هلا ريما
ريما: سمو انتي تعبانه اروح انادي خالتي
سمو وهي تقوم على الارض :لا ريما انا ما فيني شي بس تعبانه شوي
وقامت سمو وجلست الكرسي كانت وجها احمر ومكياجها على وجها
ريما: سمو وش فيك
سمو بدات في نوبه بكاء شديدة في حضن ريما وقالت لها السالفه بصوت متقطع وفهمت منها ريما السالفه
وقامت ريما تهدي سمو وهدت
ريما: ما عليك حبيبتي وربي انه مايستاهلك
سمو :انا منقهره يا ريما
اقوله احبك ويقول انه يكرهني كره
وصار يتكلم علي
ريما:ماعليك وربي انهم مايستهلون دموعنا عليهم
قومي غسلي وجهك وصلي وانا بدق على البنات علشان يجون
وبعد ساعه وصلت وجدان وندى لبيت سمو وا فطروا عندهم وبدت السوالف
وجدان:وش رايك ندق على جنى نقهرها
ندى:بس اخاف ان عبدالعزيز يكون عندها
سمو: ما عليكم بنرسل لها رساله
وارسلو البنات رساله بس ماحصلوا رد
دقايق وارسلت جنى ارساله لجوال سمو(خير في شي رجاء انا ماني فاضيه لكم ياعوانس)
سمو بعد ما قرات الرساله ع البنات:والله حرمه اخوي صارت مغروره
ندى: ماهو اكثر منك
سمو:الا يا الخايسه انا مغروره
ريما:موت وجلست تغني اغنيه اصاله(ليه الغرور)
(كان صوت ريما خيال )
ندى:واو وربي صوتك عذاب
ريما:شكرا
وجدان:امانه غني وانا بسجل صوتك
ريما: لا اخاف
سمو:تخافين من ويش ياهبله ياالله ريما
وبعد اصرار وافقت ريما
ريما:اوكي وش تبوني اغني
سمو:اي شي تحبينه
ريما:اوكي بغني اغنيه اميره الورد (ريما لقبها دائما اميره الورد) وبدت تغني
اميره الورد ليه الورد مفتونك
ليه بحياتها يتمنى يعيش بغصانك
وكملت الاغنيه وكان صوتها روعه
ودق جوال وجدان وكانت مرتبكه
وجدان:نعم في شي
صوت بنت:كيفك وجدان
وجدان:خير في شي
البنت:وش فيك وجدان ليه معصبه
وجدان :مالك شغل اعصب ولا ما عصب
البنت بعصبيه: وجدان تكلمي زين
وجدان:انت مين وش تبين
وقفلت وجدان الخط في وجه البنت وكانوا البنات ساكتات وتسمعون في المكالمه
ندى:وش السالفه
وجدان:هذي وحده قليله الادب ماعليكم منها
ريما:بنات كم الساعه
وجدان وهي تناظر في الساعه: الساعه :
ريما: ياالله بنات انا بروح
وجدان:تو الناس وين رايحه
ريما:والله اليوم بنروح لبيت جداني فالشرقيه
وراحت ريما وبعد ربع ساعه راحوا كل البنات وبقت سمو وبدت مواجعها من جديد وراحت ترسم وعيونها مليان دموع وكان مشغله اغنيه
ودخل محمد:صباحو ياعسل
سمو هي تمسح دموعها بدون ماينتبه محمد: صباحو ليه لابس وين بتروح
محمد:بنروح لجده عند خوالي
وجيت اسلم عليك
سمو:علينا جيت تسلم ولا جاي تقهرني
محمد:يعجبني فيك ذكائك
هههه
وطلع محمد من عند سمو ورجعت لرسم